Meira blinb bling...

Bara fatta ekki af hverju slík töfratæki eru ekki hverju einasta heimili hérna á skerinu, jafn nýjungagjarnir og við íslendingar erum. Skyldi mönnum ekki þykja nógu fínt að grobba sig af skítahirslum, jafnvel þótt rafdrifnar séu og með 18 takka mælaborði?

 

Rafknúin hátæknisalerni, búin vatnsúðurum og þurrkara, eru á hverju heimili í Japan. Z-línan frá Toto, sem vandræðum hefur valdið, er einnig með nuddúðara og lyktareyði, auk þess sem það opnast og lokast sjálfvirkt.

Skyldi það segja "BÚIN(N)"?

 

Vara við eldhættu í salernisskálum

Þvílíkt heimskulegt...

Djöfull fer svona lagað í taugarnar á mér... Eflaust eru til "minna hættuleg" efni en sígarettur og ég er kannski ekki heldur alveg hlutlaus enda á seinni KOOL pakkanum í dag.. En mér finnst samt slíkar ráðleggingar að koma okkur í Andrés Andar deildina ekki góð pólitík. Værri skárra að þessir kallar eyddu kröftum sínum í að liðsinna þeim, sem það vilja, að hætta reykingum punktur.

Finnst alltaf svo vitlaus aðferð að ráðleggja eina fíkn í stað annarrar. Sé alveg fyrir mér að eflaust yrði einhver fjölskylda drykkjumanns í skárri málum ef t.d alkinn á heimiliunu svissaði yfir í hass, en fyndist það þó heimskuleg lausn. Eins sé ég ekki geðbatteríið segja við barnaperrann "Heyrðu góði.. hefur þú ekki leitt hugann að SM, það fást fín myndablöð um slíkt í betri bókabúðum og eins eru allar helstu leigurnar með slíkt efni".

Jón vinur minn hugðist hætta að reykja og renndi í apótekið og kom klyfjaður af alls kyns tóbaks tyggjói, nefúða og öllum græjum fyrir hálf mánaðarlaunin. Þetta var um hádegið og ég var eitthvað að gera grín að honum og tjáði honum þá skoðun mína að þetta væri ekki par gáfulegt. Hann byrsti sig og sagðist víst örugglega geta hætt að reykja lengur en ég gæti hætt að drekka(var nett blautur á þessum árum) Nú þremur tímum seinna var Jón vinur minn búinn að kveikja sér í... en fannst tyggjóið samt ómissandi og síðan reykti hann ofan í tyggjóíð næstu árin - Tvöfalt kikk.

Ég var edrú allalvega fram á kvöldið.

Læknar hvetja tóbaksfíkla til að nota frekar snús en sígarettur

Gleðileg tíðindi

Til hamingju með þennan áfanga, bæði læknateymi og hjartaþegi.

Gervihjarta grætt í mann á Íslandi

Gáleysi my ass...

Fékk drengurinn lítið annað að borða en sojamjólk og eplasafa og vó 1,6 kíló er hann dó úr sulti.

Foreldrar drengsins neyta eingöngu grænmetis, en engra dýraafurða. Þeir voru fundnir sekir fyrr í mánuðinum um manndráp af gáleysi og grimmilega meðferð á barninu.

Þetta er nú meira gáleysið eða hitt þó heldur. Ógeðslegasta kjöt sem ég smakka er svona slepjulegt mjólkur-kálfa kjöt og mér fyndist að það hefði átt að neyða eins og 100 kg. af því ofan í þetta pakk.

Par dæmt fyrir að drepa barn sitt úr næringarskorti

Nú byrja einhverjir að grenja yfir olíufélögunum...

Sko það er RÍKIÐ sem er fyrst og fremst að okra á okkur bíleigendum... 

Því ætli olíufélögin hafi ekki svona 35-40 kall fyrir hvern seldan lítra... ríkið tekur restina. En auðvitað er ég ekki að óska mér eldsneytishækkunar en hvernig væri nú að pumpa kandídatana um afstöðu þeirra til þessa okurs... svona á kosningavori? 

Eldsneytisverð hækkar hjá Olís

Frétt til næsta bæjar að Norðmenn séu orðnir meira líbó en við...

Rúmenarnir hafa kannski ekki tekið upp harmoníkurnar.

Nema að Akureyrarlögreglan hafi gert þær upptækar...

Norðmenn skipta sér ekki af komu Rúmena

Gæti þetta sparað ykkur eitthvað?

Það mætti nú alveg benda Tryggingastofnun á það  að oft er sótt um mun meira af hjálpartækjum en nauðsynlegt er vegna þess eins hversu lengi þeir eru að afgreiða umsóknir. Vegna afgreiðslutímans er bara sótt um "nóg" af hjálpartækjum þannig að örugglega ekkert vanti. En ef afgreiðslutíminn styttist í t.d 1-2 daga þá væri hægt að  panta samkvæmt nákvæmlega því ástandi sem sjúklingurinn er í þegar afgreiðsla fer fram. En auðvitað er um varanlegt ástand hjá mörgum að ræða og þar kæmi þessi stytting eingöngu að þeim notum að viðkomandi sjúklingur fengi fyrr úrlausn mála. 

Síðan er ófremdar ástand(innkaup virðast taka alltof langan tíma) á þessum batteríum sem útvega tækin. Konan mín fékk að prófa sérstaka loftsessu í hjólastólinn sinn, en hún hefur verið í endurþjálfun á Reykjalundi, vegna tímabundinnar lömunar(GBS)

Ok... með þessa loftdýnu gat hún auðveldlega setið í stólnum klukkustundum saman.  En síðan þurfti að skila sessunni þar sem aðeins var um sýningareintak að ræða. Hófst þá ferli sem er ca. svona.. Sótt er um flýtimeðferð hjá hjálapartækjadæminu(TR) um að mega kaupa sessu. Það ferli tekur talsverðan tíma... síðan, eftir að vilyrði er komið, er hjálpartækjafyrirtæki látið panta dýnuna erlendis frá og það tekur einhverjar vikur.

Ég sá strax að það yrði að leysa þetta strax svo ég vældi það bara út að fá að kaupa sýningarsessuna af þeim svo Helga gæti eitthvað verið í stólnum. Enda kom á daginn að þegar sessa tryggingarstofnunar loksins kom... var Helga við það að losna úr hjólastólnum.

Umsóknum til Tryggingastofnunar um hjálpartæki fjölgar mikið

Íslenska konan klikkar ekki...

Þessi brandari gengur um í USA

Three men were sitting together bragging about how they had given their new wives duties.

The first man had married a Woman from Colorado and had told her that she was going to do the dishes and house cleaning. It took a couple days, but on the third day he came home to a clean house and dishes washed and put away.

The second man had married a woman from Nebraska He had given his wife orders that she was to do all the cleaning, dishes, and the cooking.  The first day he didn't see any results, but the next day he saw it was better. By the third day, he saw his house was clean, the dishes were done, and there was a huge dinner on the table.

The third man had married a girl from Iceland . He told her that her duties were to keep the house cleaned, dishes washed, lawn mowed, laundry washed and hot meals on the table for every meal. He said  the  first day he didn't see anything, the second day he didn't see anything, but by the third day some of the swelling had gone down and he could see a little out of his left eye, enough to fix himself a bite to eat... and load the dishwasher.

Á Vespu á hraðbraut í Portúgal

Lenti í því í tvígang(með nokkurra ára millibili) í Portúgal að taka vitlausa beygju á leið einni og lenda inná hraðbraut á Vespu. Þessi farartæki komast í rétt rúmlega 100 niður brekkur og eru bönnuð á hraðbrautunum.

Nú í þessi tilfelli vorum við hjónin stoppuð af lögreglu sem útskýrði fyrir okkur á ensku að þetta væri sko rúmlega bannað og við yrðum að skilja hjólið eftir þarna útá kanti en þeir skyldu skutla okkur inn í bæinn, en við áttum örfáa kílómetra eftir "til byggða". Ég tók fram við Helgu að hún mætti ekki undir nokkrum kringumstæðum tala orð í ensku á meðan löggan læsi okkur pistilinn og spjallaði ég við kappann á íslensku og var hinn glaðlegasti.. Á endanum gafst kauði upp á skilningsleysi okkar hjóna og tilkynnti okkur að við mættum fara á hjólinu heim en ALDREI aftur á hraðbraut á Vespunni.

Thank you very much officer... you are so kind. We won't... we promice... Have a nice day. Hmm...

Á hraðbraut í hjólastólnum

Fá blaðamenn mbl ekki afnot af villuleit í boði PÚKA?

Hérna neðan við eru nokkur dæmi frá deginum í dag. 

Úr "Sarkozy gerir lítið úr snekkjuferðalagi" 

Þá höfðu 15% lögreglumanna orðið fyrir ofbeldi sem leyddi til stórvægilegra eymsla við störf sín, 4% höfðu fengið alvarlega áverka og 1% hafði orðið fyrir ofbeldi sem leiddi til líkamlegrar fötlunar í vinnu.

Úr "Fasteignamarkaður að taka við sér á ný"

og í kjölfar aukinna umsvifa á fasteingamarkaði hafi útlán Íbúðalánasjóðs og útlán banka og sparisjóða verið að aukast.

Úr "Hópur sem segist hafa Alan Johnston í haldi setur fram kröfur"

Sjónvarpsstöðinni al-Jazeera befur borist segulband frá hópi sem segist hafa breska blaðamanninn Alan Johnston í haldi.

 

 

Um 70% lögreglumanna hefur verið hótað á síðustu fimm árum