Sorglegt dæmi um fyrringuna

Maður getur sem betur fer ekki sett sig í spor þessara 16 ára gömlu stelpna sem virðast vera gjörsamlega siðblindar... En ósjálfrátt fer maður að hugsa um hvað valdi... er sinnuleysi vegna ofbeldiskvikmynda- og tölvuleikja um að kenna... held ekki... kann að hafa einhver áhrif... en það hlýtur annað og meira að þurfa til... Skelfilegt. 

Dæmdar í lífstíðarfangelsi fyrir að myrða vinkonu sína

Eruð þið vissir um að hann sé SKOTI?

Greinilega eitthvað spunnið í hann þennan.

Sextán ára Skoti hafnar Liverpool

Hvers virði er að eiga peninga ef...

mamma manns er framkvæmdastjórinn manns og kærastan stjórnar restinni?

Djöfull er gott að vera blankur.

Mamma rekin

Alveg er það makalaust hvað kaninn nennir að níðast á celebinu

Það virðist vera í tísku að nýðast á fræga fólkinu í ameríkuhreppi. Paris ræfillinn Hilton virðist hvorki mega keyra full né próflaus... Tom Sizemore má ekki dópa smá, ekki berja kærustuna sína hana Heidi Fless mellumömmu sem má ekki reka smá hóruhús on the side... þangað sem  Hugh Grant hefði betur farið í sugu um árið...

Ryan "Love Story" O'Neil mátti ekki berja son sinn til óbóta, Christian Slater mátti ekki fara með óskráða skammbyssu um borð í flugvél,ekki berja mann og annan né áreita einhverjar stelpur kynferðislega, George Michael virðist hvorki mega opna né loka buxnaklauf hvað þá leggja sig á gatnamótum eða keyra á ljósastaura.

Ekki má Ray "GoodFellas" Liotta heldur aka undir áhrifum né kollegi hans Mel Gibson sem má ekki einu sinna skamma gyðingana, Richard Gere má ekki kyssa indverjana, Daniel Baldwin má hvorki eiga kókaín né stela bíl, bróðir hans má ekki kalla dóttur sína svín, Wesley Snipes má ekki svíkja nokkrar millur undan skatti. OJ Sipson má ekki kála kellingunni sinni, ekki frekar en Robert Blake eða

Ekki má Brad Renfro fá sér í glas án þess að vera handtekinn, Nicole Richie þykir lélegur bílstjóri drukkin, Lane Garrison úr Prison Break má ekki kála samferðamönnum sínum, og einhvern tímann var Ken Kercheval úr Dalals handtekinn fyrir ölvunarakstur og fleira, Russell Crowe má ekki henda síma í menn, Edward Furlong má ekki frelsa humar, eitthvað hefur Robert Downey Jr. kikt á innviði fangelsanna líka, Winona Ryder  má ekki stela nokkrum brókum, Jeffrey Jones skólastjórinn úr "Ferris Bueller's Day Off", má ekki níðast á börnum ekki frekar en PeeWee Herman.

Martin Sheen, Daryl Hannah, Susan Sarandon, Danny Glover og fleiri mega ekki mótmæla nokkrum sköpuðum hlut þá eru þau handtekin. Og of langt yrði upp að telja ef ætti að hætta sér útí rapparana...

Það greinilega má ekkert orðið í henni Ameríku

Tom Sizemore handtekinn með fíkniefni í fórum sínum

Spáðu þeir snjóhúsum austanlands?

Þá er maður bara þakklátur fyrir að þeir spáðu skúrum hér syðra...

Veturinn hefur ekki sleppt taki sínu enn

Hann fékk nú heldur ekki að klára prófið...

Mér hefði nú fundist jafnmikil ástæða til að svifta kennarann sem leyfði nemanum að setjast undir stýri þrátt fyrir að finna að maðurinn angaði af áfengi.

Drukkinn Þjóðverji féll á ökuprófi

Hvenær breyttust lögmálin?

Tek undir með hestamönnum að ótækt er að menn á torfæruhjólum séu að rasskellast á reiðstígum en fannst athyglisvert að sjá rök lögreglunnar fyrir því að elta ekki uppi þá seku sjá:

Hugsanlega gæti það auðveldað lögreglu að ná til ökumanna ef embættið eignaðist torfærutæki sjálf en það sé álitaefni hvort forsvaranlegt væri að auka slysahættu ef lögreglan færi að stunda eftirför á malarstígum. 

Er þetta ekki nákvæmlega sama hættan og skapast þegar lögreglubílar fara að elta ökumenn á götum bæjarins, ökumenn sem oft eru í misjöfnu ástandi. -

Og ekki beint góð skilaboð að senda.

Knöpum þungt í skapi

Þetta er nú varla meira en kvarthringur...

Var farinn að búa mig undir að telja núllin í fjölda handtekinna.... en munar svo sem um 110 kg.

Hlýtur að vera langleiðin í að vera dagskammtur amfetamíns í þessum löndum samanlagt.

Flett ofan af fíkniefnahring í Noregi og Hollandi

Undarlegt hvað þetta ferjuhneyksli hefur farið hljótt í undanfara kosninga

Það er gott að ríkisendurskoðun hefur ákveðið að skoða þetta hneykslismál, en fyrir þá sem ekki kannast við málið var keyptur, sem ferja fyrir Grímseyjinga, gjörónýtur kláfur af einhverjum braskara fyrir litlar 100 millur þrátt fyrir mótmæli eyjaskeggja um kaup á svo gömlum dalli. Síðan hefur verið skorrið og soðið til skiptis fyrir einhvern hálfan milljarð eða svo í Skipasmíðastöðinni í Hafnarfirði og enn sér ekki fyrir endann á bullinu.

Og það sem meira er að þó menn fengju einhver hundruð milljóna til viðbótar til að klára verkið... er þetta og verður... gamall og hálfónýtur kláfur.

Já það er gott að vera stjórnmálamaður á Íslandi. Sem slíkur þarftu ALDREI AÐ BERA ÁBYRGÐ.

HÉR ER LINKUR Á FÆRSLU KRISTJÁNS MÖLLLER UM MÁLIÐ

Skoðar kostnað við ferjuna

Æji...

Finnst lítt spennandi kostur að fara að loka hverfum og setja upp hlið... en þetta er örugglega vísir að slíku dæmi. Og áður en langt um líður verður þetta orðið þannig að þeir sem ekki eiga 60 milljónir fyrir skikanum undir húsið sitt verða því orðnir á annars flokks svæðum.

Eins má búast við að almennri löggæslu fari hrakandi eftir að slík vöktun ákveðinna hverfa verður orðin að veruleika.

Er þetta virkilega það sem við viljum?

Urriðaholt verður fyrsta vaktaða hverfi landsins