Ég var í fjármálaráðgjöf hjá Glitni í dag

Fyrir nokkrum vikum var okkur hjónum boðið að þiggja fjármálaráðgjöf hjá Glitni og fyrir forvitni sakir þáði ég það boð. Ég var svo sem ekki viss um að af þessu yrði en klukkan 9 í morgun hringdi þjónustufulltrúi og minnti okkur á ráðgjöfina. Nú við mættum og þáðum allskonar gjafir í boði ríkisins og löguðum til á reikningum og annað í þeim dúr.

Einhvernvegin fann maður samt fyrir feigðinni og það þrátt fyrir fína þjónustu fulltrúans. Ég hef verið í viðskiptum við þennan banka og forvera hans í tæp 40 ár og finnst miður að hann sé allur.

En samt er, á undarlega tvískinnungslegan hátt, feginn að Davíð skyldi svíkja loforðið sem hann gaf Glitni því ef hann hefði staðið það loforð væri hvort tveggja Glitnir og íslenska ríkið feigt.  Og nú lengist í það minnsta í hengingaról ríkisins.

Er á meðan er...

FME tekur Glitni yfir

Vangefna liðið....

Rosalega eru þeir andstyggilegir við okkur þessir Fitch Ratings gæjar og skilninglausir á íslensk efnahags- og bankamál....

þeir hafa greinilega ekki horft á Dabba í Kastljósinu

Fitch lækkar lánshæfismat Landsbankans og Glitnis

Það er bara allt í stakasta lagi...

Ég vissi að þetta væri allt saman tómur miskilningur... og að ég þyrfti ekki að hafa áhyggjur af mesta axarskafti embættismanna á Íslandi fyrr og síðar. Auðvitað þurfa þeir ekki að leggja 86 milljarðana í Glitni... jú þeir ætla að verða búnir að fella bankann fyrir hluthafafund. Snilldin ein...

Skyldu Seðlabankamenn geta komið frá sér einu marktæku plaggi. Mér er til efs að Davíð og félagar trúi eigin minnismiðum hvað þá annað. 

Þeir gáfu út yfirlýsingu þess efnis að þeir hefðu keypt 75% hlut í Glitni á 86miljarða. - Sannleikurinn:  Glitnir verður yfirtekinn af FME fyrir hluthafafund og bankinn fær því aldrei krónu!

Við eru sko búnir að fá lán frá Rússum - Sannleikurinn: Sendiherrann kíkti í kaffi og útilokaði ekki að Rússar myndi skoða það að aðstoða Seðlabankann ef hann óskaði eftir því.

Við sögðum frá því sem væri að gerast í ræðu og riti - Er það nema von að enginn hafi trúað Seðlabankastjóra?

Ég rak bílasölur og stundaði bílabrask árum saman og er hræddur um að maður hefði ekki enst lengi í því starfinu hefði verið jafn lítið að marka mann og Seðlabankann.

 

Ríkið borgi ekki skuldir óreiðumanna

Sorglegt að horfa uppá

Hvað sem hver segir þá hlýtur að koma að því að ríkið takmarki ábyrgðir sínar. Og það jafnvel þótt þeim takist að bakka út, með einhverjum lagaklækjum, frá því kauptilboð sem þeir gerðu í 75% eignarhlut Glitnis. Sem ég held að sé versta ákvörðun sem stjórnvöld hafa nokkurn tíma tekið. Takist það hinsvegar ekki... hlýtur ballið að vera rúmlega búið. Og þá er ég að meina sjálfráða tilvist ríkissjóðs.

Þeir aðilar sem eiga sitt í sjóðsreikningum sem byggðir eru að stærstum hluta á hlutabréfum fyrirtækja hljóta að tapa innistæðum sínum að stærstu eða öllu leyti. Látum það vera ef þetta væru að allt saman einhverjir áhættufíklar en svo er einfaldlega ekki raunin. Það er ekki lengra síðan en á föstudag fyrir þjóðnýtingu að Glitnir ráðlagði dóttur okkar að leggja talsverða bótaupphæð sem henni barst, og er um leið aleiga hennar, inná sjóð 9. Slíkt væri traust ávöxtun.

Eftir að sjóðurinn opnaði aftur hafði hún síðan, eðli málsins samkvæmt  tapað talsverðri upphæð en þá hafði Glitnir þurft að kaupa út bréf Stoða og laga til í þessum sama sjóði, sjóði sem hafði ekki einu sinni staðist þá lýsingu sem var á innihaldi hans þ.e hlutföllum á milli skuldabréfategunda. Stelpan tók á sig tapið og losaði afganginn.

En nú virðist staðan enn verri þ.e ég reikna með því að þegar/ef þessir sjóðir opna aftur verði hrunið orðið algert og margir tapi því afganginum af ævistarfinu og eins virðist fólk jafnvel hafa sett upphæð ætlaða til fasteignakaupa eða náms inní þessa sjóði. Hvort tveggja er rúmlega sorglegt ef allt fer á versta veg.

En ábyrgð "ráðgjafanna" og eins stjórnenda sjóðanna er mikil. Hvort einhverjir verða dregnir til ábyrgðar dreg ég hinsvegar í efa. Það er ekki hefð fyrir slíku í íslensku samfélagi. 

Reiðir viðskiptavinir Landsbankans

Æji voru ennin 2...

Mislas þetta fyrir nakin... og varð fyrir verulegum vonbrigðum

Nakinn á sundi

5. naglinn í líkkistulokið...

1) Glitnir

2) Stoðir

3) Landsbankinn

4) Samson

5) Icesave

6) dokið smá stund....

7) ...framhald síðar

Ernst&Young tekur yfir

Í minningu Moskvitch...

Ja það hljóta að hafa verið þung spor fyrir sjálfstæðismennina að fara bónveg til rússanna. Sú var tíðin að við seldum fisk á svörtu þ.e við seldum könunum fisk á undirverði fyrir dollara til að fjármagna bensínkaupin sem við gerðum við rússana... því rússarnir vildu dollara fyrir gasið og engar refjar.

Við fengum hinsvegar Rússajeppa Volgur og Moskvitch fyrir fiskinn 

Seðlabankinn fær lán frá Rússlandi

Þá er Samson komið í greiðslustöðvun!

Af visi.is:

Stjórn Samson eignarhaldsfélags ehf. hefur óskað eftir því við Héraðsdóm Reykjavíkur að félaginu verði veitt heimild til greiðslustöðvunar.

Í tilkynningu um málið segir að gert er ráð fyrir að beiðnin verði tekin fyrir og afgreidd með heimild til greiðslustöðvunar í dag og aðstoðarmaður á greiðslustöðvunartíma skipaður.

Samson er eignarhaldsfélag þeirra Björgólfsfeðga og fer með rúmlega 41% hlut í Landsbakanum.

 Doka menn nú bara rólegir eftir næsta hákarli

Hvað þýðir þetta á mannamáli?

Jú þetta þýðir lakari kjör og það allt saman en fyrir okkur sem eru ekki með mastersgráðu í hagfræði væri notalegt að fá betri útskýringar á hversu mikið lakari þau kjörin eru.

Aula-Hagfræði 101  -  takk fyrir takk

S&P lækkar lánshæfiseinkunn Íslands

Hverjir eru ekki gjaldþrota? - Fjármálaráðsgjöf í boði Glitnis!

Við höfum ósjaldan heyrt, seinustu dagana, að fjármálastofnanir sem ekki ættu fyrir afborgunum sínum væru í raun gjaldþrota(Davíðskenningin).

Ég skrifaði um það fyrir einhverjum færslum að samkvæmt þeirri kenningu væru bankarnir allir gjaldþrota. Þá breytir engu 500 milljarða lán seðlabanka til kaupþingsmanna, nema ef vera skyldi að það væri partur af stærra plotti um að gera Kaupþingi kleyft með einhverjum hætti að yfirtaka Glitni og með því móti tækist ríkinu að komast frá vitlausasta gjörningi sem íslenskir embættis- og alþingismenn hafa tekið fyrr og síðar. Þ.e Þjóðnýtingarákvörðuninni á mánudaginn var. Ákvörðun sem getur hæglega gert íslenska ríkið gjaldþrota líka.

Finnst engum skrítið að stjórnarmenn Glitnis hamist við að  fá stærstu hluthafa til að samþykkja 75%yfirtöku og þar með að tapa 80% eignar sinnar?

Ég er þó nánast viss um að Davíð og Co finni sér einhverja leið til þess að komast frá þessu en á sama tíma hræddur um að sú leið verði til þess að rústa endanlega því litla trausti sem einhverjir kynnu enn að hafa á íslenskum embættismönnum og það verði þrautin þyngri að ávinna sér það traust aftur.

Annars er það helst að frétta af okkur Helgu að á morgun þriðjudag er okkur boðið að koma í fjármálaráðgjöf, í ríkisbankann Glitni.

Nett kaldhæðnislegt þó ekki sé meira sagt.