Hverjir eru ekki gjaldþrota? - Fjármálaráðsgjöf í boði Glitnis!

Við höfum ósjaldan heyrt, seinustu dagana, að fjármálastofnanir sem ekki ættu fyrir afborgunum sínum væru í raun gjaldþrota(Davíðskenningin).

Ég skrifaði um það fyrir einhverjum færslum að samkvæmt þeirri kenningu væru bankarnir allir gjaldþrota. Þá breytir engu 500 milljarða lán seðlabanka til kaupþingsmanna, nema ef vera skyldi að það væri partur af stærra plotti um að gera Kaupþingi kleyft með einhverjum hætti að yfirtaka Glitni og með því móti tækist ríkinu að komast frá vitlausasta gjörningi sem íslenskir embættis- og alþingismenn hafa tekið fyrr og síðar. Þ.e Þjóðnýtingarákvörðuninni á mánudaginn var. Ákvörðun sem getur hæglega gert íslenska ríkið gjaldþrota líka.

Finnst engum skrítið að stjórnarmenn Glitnis hamist við að  fá stærstu hluthafa til að samþykkja 75%yfirtöku og þar með að tapa 80% eignar sinnar?

Ég er þó nánast viss um að Davíð og Co finni sér einhverja leið til þess að komast frá þessu en á sama tíma hræddur um að sú leið verði til þess að rústa endanlega því litla trausti sem einhverjir kynnu enn að hafa á íslenskum embættismönnum og það verði þrautin þyngri að ávinna sér það traust aftur.

Annars er það helst að frétta af okkur Helgu að á morgun þriðjudag er okkur boðið að koma í fjármálaráðgjöf, í ríkisbankann Glitni.

Nett kaldhæðnislegt þó ekki sé meira sagt.

Athugasemdir

[(IP-tala skráð) 6.10.2008 kl. 23:28]

Nú,  þú mætir auðvitað og veitir þeim ráðgjöf, passar bara að vera "réttu" megin við borðið því nú eigir "þú" bankann, ................... bendir þeim bara svona nett á það .

Bið að heilsa í bæinn.

[Þorsteinn Gunnarsson, 7.10.2008 kl. 01:32]

Segðu.... Ég man nú þá tíð þegar, þá aðstoðarútibússtjóri hringdi í mig þar sem ég var gestkomandi útí bæ, að spila bridge, og það á sunnudagskvöldi... og tilkynnti mér með þjósti að "nú yrði þessu að linna... ég skrifaði bara útúr heftinu hjá mér eins og ég ætti bankann... og það skuldlaust"... þetta var nú reyndar í gamla Iðnaðarbankanum en hann hefur greinilega verið með framsýnni mönnum þessi sem seinna varð útibússtjóri Glitnis og reyndar reyndist mér þá ágætlega... en var seinna látinn taka pokann sinn blessaður

[(IP-tala skráð) 7.10.2008 kl. 01:57]

Ægreyið, það hefur einhver komist að þessari ósvífni hans við þig, því Steini minn,..... þá var ekki í tísku að skrifa á gummí,  ....og svo mega það bara  menn  sem ganga í  jakkafötum með bindi og aka um á 12 milljón kr jeppa, .... hélt þú vissir þetta Steini .......ég bara man ekki eftir þér í svoleiðis múdderingu, mitt minni rekur bara til nátttslopps, og sundskýlu og hvað!!!! varstu á stuttbuxum þegar þið komuð í sumar????