Mig rámar nú í próflausa mótorhjólalöggu hér heima

Ef minnið svíkur ekki þá var einhverntímann þegar ég var ungur að hjóla, próflaus mótorhjólalögga á Akureyri. Reyndar hafði hann ekki bílpróf heldur en hvað um það.

Þetta var liberal náungi sem  til að mynda fékk að prófa hjól hjá okkur strákunum, í skiptum fyrir Motoguzzi lögguhlunkinn sem hann hjólaði á þetta sumarið, en gat ekki keyrt á afturdekkinu á(prjónað), þrátt fyrir ítrekaðar tilraunir. 

MóJó vinur okkar var reyndar ekki endurráðinn.

Próflausir strætóstjórar á Sikiley

Aumingja Kiki... alltaf blankur...

Ok ég et svo sem skilið að ég fái aldrei þann stóra í Háskólahappdrættinu og jafnvel í DAS þar sem ég á í hvorugu happdrættinu miða... en ég er sko áskrifandi að lottóinu... fyrir heilar 800 krónur á mánuði svo það er náttúrulega engin sanngirni í því að ég hafi ekki fengið þennan vinninginn.

Það munaði svo sem ekki miklu... Ég var með einn réttan.

Sko ef röðin hefði verið 3, 7, 14 ,21 ,27 í stað 6, 14, 24, 25 og 30 ja þá ... 

Til hamingju með vinninginn og verði hann þér til allra heilla!

 

Fékk 21 milljón í lottóinu

Hélt að verið væri að tala um þessa á álfelgunum

„Þessi ríkisstjórn hefur alveg frá byrjun verið með hjálpardekk, og þau eru farin að losna.“

 Manni sýnist í fljótu bragði vera um sömu vandamál að ræða. Að vísu eru það öryrkjar og aldraðir sem eru fangarnir sem pyntaðir eru hér... og svo sleppa Kanadamennirnir öruglega við helmingaskipta systemið og alla spillinguna og ógeðið sem fylgt hefur því dæmi öllu saman ásamt því að búa við stöðugara verðlag, lærri vexti, verðtryggingarleysi  og eitt  og annað smálegt sem þykja sjálfsögð mannréttindi annarsstaðar en hér.

Ullaði á tollara?

Ölvaður ferðamaður, sem tollverðir á Keflavíkurflugvelli höfðu afskipti af í gær, var settur í fangaklefa eftir að hann hlýddi ekki skipunum og sýndi dónaskap við komuna til landsins.

Skyld'ann hafa hagað sér eins og íslendingur?

Ferðamaður settur í fangaklefa

Hrikaleg lesning...

Ég er nú ekkert ofsalega Vinstri-Grænn en maður verður verður hinsvegar grænn í framan við lestur þessa pistils Andra Snæs, sem ég skora á ykkur að lesa og ætti reyndar að vera skyldulesning. Pistillinn kallast Ár hinna glötuðu tækifæra.

http://www.visir.is/article/20070505/SKODANIR/105050034 

"Meintir" símamenn & "meint" fífl...

"Vodafone segir að fyrirtækinu(er fyrirtækið eitthvað annað en Vodafone) hafi í dag borist fjöldi fyrirspurna um tölvupóst í dreifingu, þar sem móttakendum er tilkynnt að þeir hafi unnið stórfé í meintum páskaleik Vodafone  í Hollandi. Fyrirtækið segir að um gabb er að ræða." (innihald sviga er mitt)

Í fyrsta lagi þá var fólkinu tilkynnt að þeir hefðu unnið í páskaleik... ekki meintum páskaleik

Í öðru lagi...  HVAÐA ASNA DATT Í HUG AÐ SEGJA AÐ SÍMAFYRIRTÆKI VÆRI AÐ GEFA EITTHVAÐ?

Bara sú fullyrðing ein hefði átt að eyðileggja alla möguleika  þessarar svikamyllu, strax í getnaði...

Á hvaða lyfjum eru blaðamenn á mbl.is?

Háskólanemi í New Hampshire í Bandaríkjunum skaut herbergisfélaga sinn og særði og framdi síðan sjálfsvíg í dag... Þegar lögregla kom á vettvang og reyndi að komast inn í íbúð mannanna hleypti sá látni af einu skoti og var látinn þegar lögregla komst inn.

Var hann kannski bara látinn í friði?

Hverslags endemis heimska er þetta? Ok.. þetta er jú netmiðill en fyrr má nú aldeilis slá af kröfunum.. 

Er ekki lágmarkskrafa að blaðamenn séu í það minnsta mellufærir á sínu móðurmáli? 

Háskólanemi skaut herbergisfélaga sinn og framdi sjálfsvíg

Ég styð hann heilshugar í því....

En eru ekki alveg nógu margir að kántrýast kallinn minn. Sestu bara í helgan.

Timberlake vill hætta í poppinu

Helvítis kerfið!

  Ég hvet ykkur til að lesa þessa færslu

Ákveðið svo hverskonar "velferðarþjóðfélag" þið viljið. Sjáið til, þið hafið það kannski helvíti gott í dag- en það gæti verið einhver í þinni fjölskyldu eða þú sjálf/ur sem stendur í þessum sporum!  

Hverjum datt í hug að leita þar?

Maður hafði ekki eini sinni frétt að hann væri týndur?

Ölvaður ferðamaður fannst í Tjörninni