Lögfræðingur á ógleðisstillandi eða launsonur Munchausen

Greint hefur verið frá því að piltur sem situr í fangelsi í Pennsylvaníu í Bandaríkjunum, fyrir að skipuleggja fjöldamorð í skóla sínum, hafi átt tölvupóstsamskipti við finnskan táning sem varð átta manns að bana í skotárás í skóla í Jokela í Finnlandi . Þetta kemur fram á fréttavef CNN.

J. David Farrell, lögfræðingur hins fjórtán ára Dillon Cossey, staðfestir að piltarnir hafi verið í sambandi eftir að Cossey var handtekinn og segir Cossey sleginn yfir því að maður sem hann hafi verið í sambandi við hafi framið annað eins ódæði. Þá segir hann samskipti piltanna hafa snúist um sameiginlegan áhuga þeirra á ákveðnum tölvuleikjum og netsíðum.

Dagblaðið The Times of London greindi frá því í gær að piltarnir hefðu kynnst í gegn um minningarsíðu á netinu um Eric Harris og Dylan Klebold, sem frömdu fjöldamorð í Columbine skólanum í Colorado árið 1999.

Þessi Cossey á samúð mína alla... aumingja dregurinn.... það er sama hvað hann reynir... allt mistekst... klúðraði því að geta framið fjöldamorð sjálfur... og ofan á allt annað þá tókst honum ekki að koma í veg fyrir það að sá finnski framkvæmdi sitt voðaverk... enda gersamlega grunlaus um að það vekti fyrir þeim finnska... eða þannig.

Dettur einhverjum öðrum en lögfræðingnum hans í hug að það sé vitglóra í þessari matreiðslu? Annað hvort er lögfræðingsaulinn sá trúgjarnasti "ever" eða þá að hann er launsonur Munchausen.

Auvinen átti samskipti við fangelsaðan bandarískan táning

Athugasemdir

[Jónína Dúadóttir, 13.11.2007 kl. 11:59]

Ég veðja á Munchausen

[Jóna Á. Gísladóttir, 13.11.2007 kl. 12:07]

voðalega er þetta óhuggulegt. Djöfull er til mikið af andlega vanheilum ungmennum ''out there''. Og enginn virðist taka eftir neinu fyrr en allt er komið í óefni.

Vona að fjármagn inn til BUGL verði aukið allverulega svo við séum í aðstöðu til að sinna okkar fólki fyrr í ferlinu.

[Þorsteinn Gunnarsson, 13.11.2007 kl. 13:13]

Sammála ykkur báðum...