Íslendingar búa hvergi

Þessi haus minn er álíka vitlaus og hausinn á fréttinni sjálfri.

Eflaust búa margir útlendingar í ósamþykktu húsnæði sem upphaflega er ætlað í annað en það þýðir ekki það að þetta séu ekki mannabústaðir eins og segir í fréttinni. Nema að blaðamanni þyki þá útlendingar ekki menn? - Spyr sá ekki veit.

Og ef íbúar á "utangarðskrá" eru ekki tryggðir vegna þess eins að þeir geta ekki vísað á lögheimili mætti kannski bara breyta löggjöfinni frekar en ekkert.

Útlendingar búa alls staðar

Athugasemdir

[Jóna Á. Gísladóttir, 13.11.2007 kl. 11:04]

Þetta er ekki gott. auðvitað er það rétt að ósamþykkt húsnæði getur alveg verið hið huggulegasta og fáránlegt að fólk geti ekki tryggt innbú sitt, sama í hvernig húsnæði það býr.

En það er líka fullt af Íslendingum sem hefur beðið lengi lengi eftir húsnæði hjá félagslega kerfinu, öryrkjar og einstæðir foreldrar, en innflytjenda hópar virðast ganga fyrir. Og í hvernig húsnæði búa þessir Íslendingar á meðan þeir bíða. Hefur enginn áhyggjur af því?

[Þorsteinn Gunnarsson, 13.11.2007 kl. 11:45]

Nákvæmlega - Og þetta ástand á bara eftir að versna. Fæ ekki séð að ungt fólk í lægri-launa störfum geti keypt og/eða leigt sér á næstunni svo þetta endar með skelfingu ef ekkert verður að gert. Byrjunin væri kannski að drulla húsnæðinu útúr vísitölunni svo stýrivextirnir hækki ekki endalaust en það eitt dugar ekki. Held að það hljóti að fara að styttast í að við förum að sjá hverfi "bæjarblokka" rísa á næstunni...hversu skemmtilegt sem það er nú.

Við erum sko langt í frá búin að bíta úr nálinni eftir  bjarnargreiða bankanna.