Ótrúlegur gæji....

Þetta gengi Hamiltons er með slíkum ólíkindum að mann setur hljóðan. Vona bara að minn maður haldi jarðtengingunni, sem hann reyndar virðist gera bærilega og eins að Alonso fari ekki að fýlupokast vegna Hamiltons.

Áfram McLaren

Hamilton fyrstur frá upphafi til enda

Til hamingju Raggi

Sannarlega vel að þessu kominn og vissulega hefur hann markað mörg sporin.

Raggi Bjarna er borgarlistamaður Reykjavíkur 2007

Nett misræmi

Hátíðahöld hafa gengið mjög vel víðast hvar um landið enda veður gott ...

Ja hvort varð það? - Ekki það að ég sé ekki fegin að hátíðahöldin í Surtsey hafi tekist þokkalega...

Hátíðahöld hafa gengið mjög vel um land allt

Enn ein aulafyrirsögnin

Hverjum dettur eiginlega í hug að fánalögin hafi verið brotin með mótmælaaðgerðum sem slíkum... Hefðu þeir semsagt sloppið ef þeir hefðu ekki verið að mótmæla? Sorry!

Fánalög brotin með mótmælaaðgerðum

Á milli 0 og 10 þúsund manns á Selfossi

og það þrátt fyrir algjöran skort á skemmtiatriðum.

Heimskulegar ágiskanir!

Á milli 20-30 þúsund manns í miðborginni

Þvílíkt bull...

Eldur kom upp í pappakössum og rusli ... ...Dælubíll frá Slökkviliðinu slökkti eldinn á skömmum tíma. Engan sakaði og skemmdir voru litlar.

 Guði sé lof að pappakassarnir og ruslið skemmdist ekki mikið....

Eldur í rusli á Lokastíg

Aðeins áfallinn...

Þeim hefði verið nær að pakka inn einhverju frá GM... hefði ekki einu sinni þurft að pakka því til að það kæmi betur út en þetta Mopar dót. T.d hefði verið ok að nota Chevy 1957 eins og hér á myndinni til hliðar.

Fimmtug bifreið olli vonbrigðum

Til hamingju

Komst í nett nostalgíukast í dag þegar ég rakst á mynd af gamla BSA Lightning hjólinu hans Heidda heitins í einhverju blaði. Man þokkalega eftir þeirri græjunni ...og oftar en ekki á afturdekkinu einu saman.

Hélt reyndar að Heiddi hefði átt um 20 hjól en ekki 50 eins og segir í fréttinni en það er aukaatriði.

Heiddi átti meðal annars eitt hjól sem ég átti fyrir margt löngu, Royal Enfield "39 módelið. Vonandi að það sé á sýningunni.

Svo er bara að vona að Joe Craze og félagar finni þessu safni gott húsnæði í heiðardalnum, svo maður geti litið við ef maður slysaðist norður eitt árið

 

Ath! Myndirnar eru ekki af hjólunum hans Heidda heldur sambærilegum hjólum

Tían sýnir á Akureyri

Ég hata viðhaldið mitt!

Var orðinn þreyttur á þriðju kynslóð plasthúsgagna í fyrra og spanderaði í viðarhúsgögn á aðalpallinn. "Eilífðareign og alltaf eins" var setningin sem lokaði dílnum. Eilífðar my ass. Er búinn að vera allan seinnipartinn að olíubera þennan fína sedrusvið sem var líkgrár eftir veturinn... dótið allt meira og minna sprungið og ekkert smá leiðinlegt að bera á þetta drasl. Það þarf að fara að finna upp eitthvað sumardót sem er klassý, viðhaldsfrítt, notalegt og er ekki segull á skít. Auglýsi hér með eftir alvöru uppfinningamanni/hönnuði.

Og heyskapurinn... Sko það var slegið í fyrradag eða daginn þar áður og þetta helv var orðið í ökla í dag. Auðvitað keypti maður einhvern tímann eina 6 hestafla með drifi og poka þannig að maður þyrfti þó ekki að ýta og raka... en þessi pokaaumingi tekur náttlega bara portion af grasinu svo maður stendur í stórræðum að handkrafla þjappaða slægjuna úr græjunni, kengboginn í tíma og ótíma. 

Pallaefnið er svo sér kapítuli... svona ferlega laglegt rétt á meðan maður skrúfar þetta drasl niður og síðan gránar þetta allt og lítur út eins og fornminjar eftir eitt eða tvö ár. Hét því eftir þriðju pallasmíðina að setja þetta ónýti aldrei framar á pall og ætlaði sko að setja eitthvað varanlegt sem liti eins út að vori. Svo nú þegar stendur til að bæta við 4rða pallinum ætlaði ég sko að standa við stóru orðin og hringdi í Þ. Þorgrímsson til að kanna verð og annað... 6,500 kr. fermetrinn. Thank you very nice.

Maður spanderar sko ekki 6500 kalli í gólfefni á stofuna hjá sér.... En auðvitað er fullt af liði sem er jafnþreytt á þessu græna ónýti og ég en á bara heldur meiri peninga... En mér er sama þetta getur bara ekki verið eðlilegt verð fyrir 25mm plastefni.

Svo er það málningin... Þetta drasl sem manni er selt í dag veðrast á einu ári og þakskyggnin sem, ég málaði svona fallega hvít á potthúsinu í haust eru nú eins og þau hafi verið grunnuð með þynntum grunni...

Djöfull er allt að verða einnota í dag... eða kannski er maður bara að verða "too old for this shit"

Meiri sjónmengunin...

Svo eru náttúrulega einnig tilfelli þar sem "allt sem hylur er til bóta"

Húðflúrmeistarar á nálum á Grand Rokk