Fréttaendurvinnsla?

Þetta er reyndar sama blogg og frá því fyrir nokkrum dögum en minni vinna þegar maður getur bloggað um sömu þvæluna trekk í trekk:

Þeim hefði verið nær að pakka inn einhverju frá GM... hefði ekki einu sinni þurft að pakka því til að það kæmi betur út en þetta Mopar dót. T.d hefði verið ok að nota Chevy 1957 eins og hér á myndinni til hliðar.

Drossía geymd í jörðu í hálfa öld

Ragnar Reykás hvað?

...Þá segist Eggert telja misráðið að nota harðindin nú sem tylliástæðu til að gera breytingar á kvótakerfinu. Vilji menn gera breytingar á því eigi þeir að hafa kjark til að gera það hvernig sem árar.

Sammála honum... notum harðindin sem raunástæðu til breytinga. Síðan segir hann að menn eigi að hafa kjark til breytinga hvernig sem árar. Nú er þá ekki þetta árferði alveg gráupplagt? Ja eftir þínum kokkabókum  Ragnar minn.

„Misráðið að gera harðindin að tylliástæðu til breytinga á kvótakerfinu"

Höfðu ekki tilskilin leyfi...

Allavega mætti halda það miðað við hausinn... þetta hljómar einhvernvegin eins og að snyrtingar starfsmanna hafi ekki verið fullnægjandi eða þeir eingöngu haft kvóta fyrir 50 plöntum.

Segi nú bara svona

Fíkniefnaframleiðsla stöðvuð í nágrenni Hellu

Hvað veldur?

Vann eina haustvertíð á steypubíl fyrir aldarfjórðungi eða svo... á löngum Volvo FB 88 með kojuhúsi og extralangri grind og vatt sá skratti ansi vel uppá sig í beygjum. En hann tyllti þó oftast nær í hjólin jafnvel þó maður missti tunnuna úr öðrum hliðarspeglinum annað veifið

Opnað fyrir umferð á Sæbraut

Byggingar- og framkvæmdaleyfi... er það sami hluturinn?

Skil ekki ástæðu þesssarar yfirlýsingar.

Mér skildist að Eyþó hefði talað um að ekki væri fyrir hendi BYGGINGARLEYFI en ekki minnst einu orði á að famkvæmdaleyfi vegna niðurrifsins vantaði? En þetta er kannski allt saman einn og sami hluturinn.

SR-verktakar segja Eyþór Arnalds fara með rangt mál

Líkur sækir líkan heim

Hún lítur nú helst út fyrir að hafa ekki fundið sorptunnu til að næra sig árum saman.

Nicole Richie hrífst af mönnum sem líkjast heimilislausum

Það getur ekki verið....

Manni hefur svo oft skilist á þeim sem kalla nánast alla umræðu um mikla fjölgun erlendra ríkisborgara hér á landi rasisma, að slíkt gerist eingöngu  í útlöndum?

Vísar að innflytjendahverfum að myndast

Við hvað starfa allir hinir?

Man ekki eftir því að sjá sérstaklega fjallað um starfa aumingja írakanna sem eru sprengdir í tætlur hvern einasta dag eða skotnir í tætlur af "vinahernum" úr ameríkuhreppi.

Enda voru þeir kannski bara atvinnlausir...

Ritstjóri myrtur í Bagdad

Blöndóslöggan í harkinu...

Það má helst skilja á þessari fréttinni að Blöndóslöggan sé farin að harka meðfram löggudjobbinu, eða sinni sætaferðum milli Skagastrandar og Blöndóss?

Hvaða rugl er þetta eiginlega... einhver sem var til vandræða í einu plássinu er bara boðin sætaferð í næsta pláss og reiknað með því að viðkomandi leggi bara kapal á leiðinni.

Og gæsluvarðhald... ja mar er bara orðlaus... allt til á mynd og hvern andskotann á þá að rannsaka frekar? Hér er eitthvað ekki að passa. Skyldu þeir ætla að óska eftir farbanni þegar gæsluvaðhaldinu líkur eða ætla að halda honum þar til dómnur liggur fyrir í málinu og afplánun hefst... Meira bullið.

Hann hefði kannski betur verið í farbanni þegar löggan bauð honum farið góða.

Gekk berserksgang í lögreglubíl

Takk fyrir samfylgdina

Jæja þá er maður farinn að hreinsa út þá sem hættir eru að blogga og þakka ég þeim samfylgdina.

 

 Zigmarr  

Guðmundur Magnússon  

Pétur Tyrfings  

Jónína Ben  

Óli Björn Kára

 

Gott gengi á nýjum vettvangi.