Þörf ábending

Þetta er því miður raunin ekki bara með sjúkraflutninga heldur einnig tæki og tól til slökkvistarfa og margt fleira.  Menn töluðu um, sem sjálfsagðan hlut, að menn væru með 'sveitaréttindi' þegar rétindalaust lið var að sinna verkum sem sannarlega þurfti réttindi til, en 'óskráð lög' að líta framhjá 'útá landi'. Já það má margt bæta.

Sjúkraflutningamenn oft einir á ferð með sjúklinga

Skyldu Elvis eftirhermurnar ekki hafa verið á lausu

Manni finnst einhvern veginnn að þeir sem líta á það sem aðalatriði hver dagsetningin sé... ja séu bara ekki með aðalatriðin á hreinu. Enda hefur oft komið á daginn að þar sem öllu púðrinu er eytt í umgjörðina hafa menn klikkað á innihaldinu og oftar en ekki er öruggara að vera ekkert að senda út gullbrydduðu boðskortin alltof snemma. Þau hafa í sumum tilfella verið komin fram yfir síðasta söludag áður en að jánkinu kom.

En vonandi hafa bara þessi pör sem hættu við daginn áttað sig á því að það er ekkert ofsalega spes að gifta sig á degi sem orðin er svona Multi-Marriage dagur. Ekki nema þau hefðu þá kannski látið framkvæma þetta klukkan 07:07 um morguninn

Hætt við hjónavígslur 07.07.07

Láttu Bullit í friði

Sumt á bara einfaldlega að láta í friði. Ég man ennþá eftir þessari bíóferðinni. Sat, 10 ára gamall, nálægt enda á öðrum eða þriðja bekk í Borgarbíó á Akureyri og fékk í magann af því að horfa á þennan einn frægasta eltingaleik kvikmyndasögunnar um hæðir San Fransiskó.

Á þessum tíma voru menn ekki vanir slíkum skotum enda lítil þjálfun af vídeóleikjum, sjónvarpi, tölvum og öðru og heilinn bara las þetta ekki sem best. En kikkið var geggjað. Og ekki síður töffarinn Steve McQueen og bílarnir.

Steve ók sjálfur í þessum eltingaleik og vildi alls ekki nota stuntara. Reyndar þurfti bara að nota tvo 390 Mustang GT fastback og tvo Dodge Charger R/T 440 Magnum í þennan eltingaleik svo þessir kallar gátu sannarlega keyrt. Það sem var líka sérstakt við þennan eltingarleik í annars dapurri sögu var sú snilld að vera ekkert að keyra einhverja tónlist yfir heldur leifa manni að fá hljóðin fá bílunum í æð.

Enda kom ekkert annað en Mustang til greina þegar maður fjárfesti í fyrsta ameríska bílnum nokkrum árum seinna. Sá vagninn þoldi að vísu ekki eins vel stökkin og hinn í Bullit en þó var mesta furða hvað hann hékk saman og ekki var eins og ekkert hefði verið reynt á hann.

Pitt endurgerir Bullitt

Paris á þing!

En koma yfirburðir bandaríkjamanna í ljós. Sú þjóð sem hefur efni á því að vera með slíkan hugsuð utan þings er sannarlega rík.

Akstur og áfengisneysla eiga ekki samleið að sögn Parisar Hilton

Sukk Festival '80

Þetta eru nú gömul vísindi og ég man að ég hélt smá veislu í húsnæði Bílasölu Norðurlands árið 1980, en þá stóð til að rífa húsnæðið. Til þessara veislu, sem bar nafnið Sukk Festival 80, var boðið hraustmennum í öllum skilningi og þeim bent á að það væri ekkert óskað sérstaklega eftir því að þeir gengju vel um, og mættu þess vegna brjóta allt og bramla.

Reyndar kom það að sjálfu sér eftir að hafa drukkið nokkra þvottabala af bollu sem var ca. 25% að menn fóru að ganga á veggi og gengu hratt um gleðinnar dyr, og það án þess að opna þær, og því leit þessi bílsalan ekkert sérstaklega professional út daginn eftir.

En það var nú svo sem ekkert sérstaklega hægt að hrósa útliti veislugestanna  þann morguninn heldur. En þeir virtust þó sínu slakari en kvöldið áður.

Óvenjuleg aðferð til að draga úr streitu

Bestu kaupin

Þegar við Helga mín byrjuðum saman var fjárhagur okkar ekkert of góður. Við bæði öryrkjar og með 5 börn heima, ég hafði enn ekki mikla vinnu eftir að vera nýfluttur að norðan(var þar seinast í vefsíðu- og auglýsingagerð og tölvuvinnu allskonar). Við ókum í hverjum mánuði til Reykjavíkur og keyptum alla pakkavöru til mánaðarins á einu bretti í Bónus eða Nettó og þurftum virkilega að hugsa um hverja krónu.

Og einhverju sinni sátum við í bílnum fyrir utan Heimilistæki í Reykjavík og vorum að velta því fyrir okkur hvort við ættum að spandera í hárklippur sem kostuðu tæp 4 þúsund. Við ákváðum að slá til og kaupa klippurnar, og þurftum að réttlæta það fyrir okkur með sparnaði við klippingar á yngsta stráknum.

Þessar klippur hafa reynst frábærlega og enn er guttinn klipptur með þeim og hefur verið í tæp 10 ár. Reyndar hefur pabbinn líka verið klipptur með þeim seinustu árin og fleiri reyndar notið þessara hárklippa, og þar af leiðandi er ég með þær nokkuð reglulega í höndunum. Alltaf þegar ég handleik klippurnar finnst mér ég ríkur. Ekki bara af fjölskyldunni minni heldur líka veraldlega. Þær minna mig á erfiðari tíma og því fyllist ég alltaf sama þakklætinu við þessa snertingu.

Ég held í sannleika sagt að þessar klippur séu einhver bestu kaup sem ég hef gert um dagana.

Þetta var svona hjá okkur Helgu líka

Giftum okkur 2004 - Man reyndar ekki dagsetninguna í fljótu bragði og kannski er ég að rugla saman páskunum og þessu æfingapartýi en hvað um það. Franski kastalinn var reyndar sýsluskrifstofan í okkar tilfelli en alveg þokkalegasta hús.

Hér neðan við eru svo myndir sem voru teknar af okkur klukkustund fyrir þetta brúðkaup aldarinnar.

 

Helga að skvera sig en hún var agalega falleg þennan dag eins og alla.

 

 

 

 

 

Steini að lesa blöðin enda ekki lengi verið að skella sér í sturtuna og hendast í svartan bol. Spurði reyndar Helgu hvort ég þyrfti í skyrtu en svarið var: Nei endilega vertu í bol en mér þætti voðalega vænt um að þú slökktir á gemmsanum á meðan á athöfninni stendur. Topp kona Helga.

Eva Longoria og Tony Parker gifta sig 07.07.07

Varð fyrir hnjaski...

Sannfærandi texti: 

Rannsóknarnefnd umferðarslysa telur, að áverkar, sem ollu andláti karlmanns um borð í ferjunni Norrænu á síðasta ári, hafi að öllum líkindum stafað af umferðarslysi, sem hann lenti í skömmu áður en hann fór um borð í skipið og hnjaski sem hann varð fyrir um borð. Ekki verði þó fullyrt um það svo óyggjandi sé....

Og úr krufningarskýrslunni... 

Segir þar að slík blæðing geti verið síðkomin og gerst nokkru eftir slys. Áður en slík blæðing verði geti einkenni verið lítil eða engin svo að jafnvel vanur læknir nái ekki að greina neitt óeðlilegt... Rannsóknarnefnd umferðarslysa segir, að ekki sé óvarlegt að álykta af atvikum við slysið, að högg hafi komið á kviðinn þrátt fyrir að ökumaðurinn hafi verið með bílbeltið spennt. Sennilegt sé að bandvefshylkið hafi svo sprungið við byltu um borð í ferjunni.

Hvernig skyldi skýrslan hafa litið út...? 

Dánarorsök: Varð fyrir hnjaski(eða ekki)

Fh. RANNSÓKNARNEFNDAR UMFERÐARSLYSA...

                         Jón Dó

Andlát manns í Norrænu má líklega rekja til umferðarslyss

Eins og bleyja á snúru

Jóhanna skrifaði meðal annars í pistli á heimasíðu sinni í júní í fyrra að linnulaus áróður bankanna gegn Íbúðarlánasjóði væri að bera árangur og það væri með ólíkindum að ríkisstjórnin telji það mikilvægt til að slá á verðbólguna að lækka lánshlutfall úr 90% í 80% og lækka hámarkslánin um 1 milljón. Bankarnir væru þeir einu sem græddu á þessari aðgerð,

„enda trúi ég því að bankastjórar og eigendur bankanna hafi opnað kampavínsflösku og tekið bakföll af hlátri yfir því hvernig þeir eru búnir að plata stjórnvöld og hafa að fíflum."

Síðar í pistlinum skrifaði Jóhanna:

„Þessi aðgerð er því illa ígrunduð og mun ekki hafa tilætluð áhrif til að slá á verðbólguna, en aftur á móti bitna harðast á þeim sem síst skyldi. Sú spurning er æpandi hvers vegna ríkisstjórnin og Seðlabanki beina ekki spjótum sínum í meira mæli að bönkunum í stað þess að leggja Íbúðalánasjóð sífellt í einelti."

Þetta rímar ansi vel við blogg mitt frá í gær: FULL SEINT Í RASSINNN GRIPIР

Jóhanna gagnrýndi lækkun lánshlutfalls fyrir ári

Einstefna dauðans...

Mer finnst þessi 'stefna' hafa verið allsráðandi síðan ég eignaðist bíl 1973 eða svo... svo hér er eiginlega verið að lýsa náttúrulögmáli en ekki verðhækkun á besníni.

Stefnir í hækkun á bensíni