Býr Osama á Akureyri?

Skrapp norður á Akureyri í gærmorgun að fylgja föður æskuvinar míns til grafar. Lenti um 10 leytið í gærmorgun og Villi, vinur minn að norðan, hafði skilið eftir bíl á flugvellinum svo ég væri nú ekki lens í Heiðardalnum. Auðvitað mundi ég ekkert hvaða númer var á bílnum hans... og þar að auki hafði hann endurnýjað frá því ég var síðast fyrir norðan svo ég var ekkert í of góðum málum með að finna kvikyndið. Sá samt einn líklegan og reyndi að opna hann.... en hann brást hinn versti við og flautaði eitthvert helvítis hátíðnihljóð á mig. Ég gekk greiðlega á braut...

Auðvitað fann ég svo bílinn og burraði inn í bæ svona til að skoða fornar slóðir. Mikið óskpalega brá mér að sjá hrópandi smekkleysið sem virðist vera orðið landlægt í skipulagsskortinum nyrðra. Þetta ómenningarhús, ásamt heimskustu framkvæmd ever... þ.e þessum slysavarnarhjalli... er gjörsamlega búið að eyðileggja alla möguleika á því að gera Strandgötuna að þeirri perlu sem hún átti svo sannarlega möguleika á því að verða. Þar hefði átt að setja upp smábátahöfn, flotbryggjur og setja fallega lágvaxna "Nýhafnar" byggð. En nei nei... þeir smella þessum ógeðslega steypuklump þarna og eyðileggja í leiðinni einnig ásjónuna til norðurs þegar komið er inn í bæinn að sunnanverðu.

Er Osama kannski yfirmaður á Tæknideildinni? 

Mér finnst alveg orðið spurning hvort ekki ætti að gera þá lágmarkskröfu til þeirra sem ráða sig til skipulagsyfirvalda og tæknideilda...að þeir væru í það minnsta ekki blindir. Ég veit að fatlaðir hafa forgang til vinnu en það hlýtur bara að mega gera einstaka undantekningar í þessum tveim deildum bæjarnins.

Flottasta byggingarsvæði bæjarins ofan Krossaness er svo nýtt undir bílasölur batterý og brotajárn? Hver leyfði blokkirnar á Baldurshagatúninu? Hver gaf grænt ljós á blokkirnar við Mýraveginn? Hver gaf út leyfi fyrir blokkarógeðinu í miðbænum og hvaða gálagahúmoristi hannaði Naustahverfið( sem mér var reyndar bent á að hætta mér ekki vegakortslaus inní)?

Svo er verið að tala um að tíðni hryðjuverka sé há í Írak?

Ja það er eins gott að Bush er ekki gamall Akureyringur

 

 

Athugasemdir

[Páll Jóhannesson, 13.4.2008 kl. 00:44]

Þú hefur margt til þíns máls minn ágæti.

[Birna Dúadóttir, 13.4.2008 kl. 02:33]

Alveg sammála,þetta lið virðist hafa fengið prófskírteinið úr cocopuffs pakka.

[Jónína Dúadóttir, 13.4.2008 kl. 05:27]

Steini minn skil þig vel og er sammála. Ég vinn á nokkrum heimilum í Naustahverfinu og það er ekki einu sinni fyndið hvað það er mikið klúður.... Menningarhúsið... ætla ekkert að ræða það sko....  Þetta með Cocopuffs pakkann er alveg rétt !

[Jónína Dúadóttir, 13.4.2008 kl. 05:28]

Frábær pistill