ÁSKORUN - ÁSKORUN - ÁSKORUN

Hér neðan við er áskorun til yfirvalda og er þetta framtak Ásdísar Sigurðardóttur og Heiðu Bjarkar. Tók mér bessa leyfi að setja þetta inn ef það mætti vera til þess að fleiri sæju sér fært að styðja þetta.

Opið bréf til þingmanna og ráðherra....... og minni á undirskriftalistann.....

Hér er bréf þeirra Ásdísar Sig og Heiðu Bjarkar, en Ásdís er höfundur þess og ég fékk ekki leyfi til að birta það hér en geri það samt  

OPIÐ BRÉF SEM ÉG HEF SKRIFAÐ TIL ÞINGMANNA OG RÁÐHERRA, ER AÐ SENDA ÞEIM ÞAÐ Í PÓSTI ( RAFRÆNT)

  Hlekkurinn okkar er  UNDIRSKRIFTARLISINN Á SÍNUM STAÐ

TIL ÞEIRRA ER MÁLIÐ VARÐAR.

Selfossi 18. október 2007.

Kæri viðtakandi.

Eftir að hafa móttekið bréf frá Tryggingastofnun ríkisins í síðust viku, þar sem ég og eiginmaður minn vorum krafin um endurgreiðslu v/ofgreiddra bóta til okkar, var mér allri lokið.

Ástæðan fyrir endurgreiðslukröfunni var sú að ég hafði fengið greiðslu vegna sölu á gömluhlutafélagi sem ég hafði átt bréf í síðan ég var unglingur.

Skatturinn tók ekkert því þetta var það gamalt hlutafélag svo í huga mínum ríkti sú fullvissa að nú hefði ég aldeilis verið heppin, fékk heilar 364 þús svona upp í hendurnar.

Aldeilis ekki.  Þetta var að sjálfsögðu beintengt við bætur okkar hjóna af frá Trst. Og við endurkrafin um tæp 160 þús. Af þessar fjárhæð. Ég er svo reið að ég á ekki til orð.  Hefði ég vitað af þessu hefði ég átt að vera búin að gefa dóttur minni bréfin og þá hefði enginn tapað neitt.

Enn og aftur kemur í ljós hversu fáránlegt það er að vera heiðarlegur gagnvart hinu opinbera.  Að vera gift manninum mínum er líka fáránlega vitleysa. Við værum betur sett skilin og helst með sitthvort heimilisfangið. Hvenær ætlar hinn háæruverðugi þingheimur að gera eitthvað af viti í þessu máli???

Hversu lengi á að hafa okkur á fátækramörkum?  Er það einhver dulin þörf að hafa okkur svona sér á báti í öllum mannréttindum.?

Ég bið ykkur, gerið eitthvað af viti í málunum.  Hvernig er ef öryrki fær arf? Þarf hann þá að búa við það að fá ekki launin sín frá Trst? Þetta eru kölluð laun og við borgum skatt, en þegar kemur að hagnaði til okkar, vöxtum, arði eða öðru þá er það reiknað sem laun og fáum við sem ekkert getum unnið ekki einu sinni að nota launakvótann okkar upp í þetta.  Hvaða réttlætir þennan gjörning.??

Nú hef ég ásamt fleiri "fjöryrkjum" eins og við kjósum að kalla okkur, hrundið af stað einni undirskriftarsöfnuninni enn og vonum við að eitthvað komi út úr því.  Við erum kannski ekki rosa bjartsýn en treystum þó á að í hópi ykkar sé að finna réttlátt fólk sem væri til í að taka mál okkar upp og reyna að skapa jöfnuð milli okkar sem kveljumst fyrir launum okkar og hinna sem eru svo heppnir að geta farið að heiman að morgni og unnið og svo heim að kvöldi, án vinnunnar.

 

                  Virðingarfyllst og með von um góða fyrirgreiðslu

 

                          Ásdís Sigurðardóttir  (sign)

                           Heiða Björk Jónsdóttir  (sign)

 http://www.petitiononline.com/lidsauki/    hér er hlekkur inn á síðuna þeirra.