MS Hafsbotn

Ég átti eina svona fyrir 30 árum... reyndar aðeins minni.. og ekki svona yfirbyggða... þó eitthver vísir að stýrishúsi á henni. Hún gekk undir tveim nöfnum, MS Hafsbotn og Sílikontúbban.

Báðar nafngiftirnar höfðu talsvert til máls. Hún hafði endalausa tilhneigingu til þess að sökkva ef hún var ekki ausin sem síðasta verk fyrir svefn og sem fyrsta verk að morgni. Ástæða lekans var fyrst og fremst sú að fyrri eigandi, ónefndur formaður Landssambands smábátaeigenda,hafði sett hana á þurrt og þar hafði þessa elska gisnað ótæpilega.   Formaðurinn fékk þá snilldarhugmynd að kítta bara kvikyndið með sílikoni, sem þá var nýtt galdraefni á markaðnum, í stað þess að doka eftir því að hún þéttist á náttúrulega mátann. Var ekki alveg að rokka þessi hugmyndin hans.

En ef sílikonið hefði verið heldur gegnsærra hefði sko ekki þurft neinn dýptarmælinn í þá snekkjuna.

Lúxussnekkja á Ísafirði