Þau voru af innlendu bergi brotin

Bara svona til að vera ekki kölluð rasísk verður lögreglan að fara að tilgreina í fréttaflutningi sínum hvaðan viðkomandi aðilar eru. Allavega sýnist mér að það sé gert ef um útlendinga er að ræða svo maður hlýtur að gera kröfu um að það sé þá einnig tilgreint ef meintir misindismenn eru af innlendu bergi brotnir.

Þrír teknir ölvaðir undir stýri

Nú er bara að stofna partýlöggu

Það væri spurningin að reyna samt að spara nokkrar krónur og láta hana samnýta húsnæði með netlöggunni hans Steingríms, sem Björn Dómsmála er nú reyndar þegar búinn að stofna með ip tölu dellunni frá því um daginn. Þeir kallar gætu þá farið á milli partýja og gefið einkunn, eins og mér reyndar sýnist á fréttinni að sé þegar byrjað.

Þetta hafa kannski verið tilvonandi partýlöggur í starfskynningu. 

Hávaði í heimahúsum

Vantaði bara Prumpulagið og súludans

Manni sýnist á fréttinni að þarna hafi helst ekkert ekkert vantað uppá lágkúruna fyrir blessuð börnin nema súludans og prumpulagið hans Dr. Gunna. Sú var tíðin að Rannveig og Krummi var skemmtiefnið... ég segi nú kannski ekki að það sé neinn millivegur en...

Var Janet Jackson upptekin?

Slímug stemning á Nickelodeon-hátíðinni

Að nudda salti í sárin

Einhvernveginn finnst mér þetta ekki viðeigandi og sæji það ekki fyrir mér að maður hitti ekkju regluga og vottaði henni sínkt og heilagt samúð sína. En þetta er kannski siður hjá Land Roverunum. 

Bretar lýsa yfir iðrun vegna þeirra sem létust í Falklandseyjastríðinu

Fá pólítíkusar útborgað í svefntöflum?

Guði  sé lof að þessi hafnarfjarðardella er komin á hreint og "Kók í plasti" eða hvað þessi samtök heita nú eru hljóðnuð. Það gæti þá kannski orðið til þess að kosningabaráttan fari að snúast um eitthvað annað en grænt og grátt fólk. Það er nefnilega svo margt miklu mikilvægara fyrir þorra landsmanna en útlitið á þessu iðnaðarhverfi þeirra gaflara.Við erum jú í aðdraganda alþingiskosninga en ekki bæjastjórnarkosninga í Hafnarfirði. 

Hér á landi býr fjöldi fólks við fátækt. Hér er fjöldi fólks á götunni.  Málefni öryrkja og eldriborgara eru í ólestri, og þá kannski sér í lagi vistunarúrræði þeirra sem þurfa á innlögnum á stofnun að halda. Sjúkradeildum er lokað vegna tilbúins fjárskorts, grislingarnir okkar eru að verða tannlausir vegna tregðu yfirvalda til að taka þátt í kostnaði. Skattleysismörk eru svívirðilega lág, matvöruverð svívirðilega hátt og svo mætti lengi telja.

Nú er kominn tími til að menn forgangsraði aðeins og kannski spari eins og eitt framboð til Öryggisráðs, ein Héðinsfjarðargöng, sem ég held að flestum finnist hvort eð er ein arfavitlausasta fjárfesting í Íslandssögunni og setji þá fjármuni sem þarf til þess að aldraðir og þeir sem minna mega sín fái tilhlýðilegan forgang fram yfir gæluverkefni eins og 240 tindáta og annað álíka fjallvitlaust.  

Þeir stjórnmálamenn sem ná að sofa á nóttunni,  en setja t.d Héðinfjarðargöng í forgang fram yfir lítilmagnann, hljóta annað hvort að vera gersamlega samviskulausir eða fá útborgað í svefntöflum.

Gasklefinn mis heillandi

Man eftir tilfelli þegar við félagarnir, kannski 17-18 ára, vorum á rúntinum og einn okkar kastaði sér út úr bílnum á talsverðri ferð. Þegar við hinir spurðum hann hvað honum hefði eiginlega gengið til svaraði hann því til að hann hefði borðað eggjasalat fyrr um kvöldið og hefði bara haft áhuga á því að eftirláta okkur hinum lyktina skuldlaust... Og fannst þetta ekkert smáfyndið öllum lemstruðum og flumbruðum þar sem hann sat og reri úr verkjum, rifinn og tættur á gangstéttarkantinum

Mín niðurstaða: Áfengi og eggjasalat fer illa saman

Sekt vegna vindgangs