Notaðu rafsuðuhjálm

Spurning hvort þeir vilja ekki bara benda henni á það að nota rafsuðuhjálm, því hugsanlega verður hún orðin eins og "silicone free" bókfell í framan eftir 50 ár... og allur er varinn góður.

Þetta lið í ameríkuhreppi er náttúrulega stærsta samsafn smábarna á einum stað í veröldinni

 

Viktoría beðin um að nota brjóstahaldara

Stórhættulegur landshluti

Sextán ára rútubílstjóri afstýrði slysi

"Sextán ára áströlsk stúlka greip stýrið á langferðabíl og aftstýrði því að bíllinn færi út í á. Með snarræði sínu bjargaði hún 38 börnum sem í bílnum voru og bílstjóranum sem hafði fallið í yfirlið í suðvesturhluta landsins nærri borginni Muckadilla. Laura Simpson  hefur ekki ökuréttindi sat þremur sætum fyrir aftan bílstjórann stökk til er rútan keyrði út í kant og yfir umerðaskilti og stefndi út af veginum og út í á.

Bílstjórinn var með fótinn á bensíngjöfinni en Simpson stýrði langferðabílnum upp á veginn og náði að vekja bílstjórann til lífsins nógu lengi til að hann gæti stöðvað úti í kanti áður en það leið aftur yfir hann.

Börnin hringdu á hjálp með farsímum, sjúkrabíll flutti bílstjórann á sjúkrahús en börnin biðu síðan í fjóra tíma eftir öðrum bílstjóra.

Laura Simpson hefur verið tilnefnd til verðlauna fyrir hetjudáð sína."

Hver sýður svona texta saman eiginlega?

Sextán ára rútubílstjóri afstýrði slysi

Ímyndiði ykkur perralistann

Margar konur hafa kvartað undan því að öryggisverðir á flugvellinum í Kaupmannahöfn gangi of langt í vopnaleitinni. „Við fáum fimm kvartanir á dag frá konum sem telja að við gerumst of nærgöngul,” sagði Mogens Kornbo aðstoðarframkvæmdastjóri á flugvellinum í samtali við Berlingske Tidende.

Loftferðaeftirlit Danmerkur svarar því til að nærgöngul vopnaleit sé nauðsynleg. „Öryggisverðir eiga einfaldlega að athuga með höndunum hvort farþegar hafi vopn undir fatnaði sínum. Ímyndið ykkur ef konur gætu smyglað handsprengjum milli brjóstanna af því að við athuguðum það ekki sagði upplýsingafulltrúinn Thorbjørn Ancher.

Það hlýtur í það minnsta annar hver perri í Köben að vera búinn að sækja um jobb í öryggisgæslunni á Kastrup

Kvartað undan nærgönguli vopnaleit

Saddam, Davíð & Dóri

Skildu vera einhverjar vitibornar verur eftir sem halda að þessi innrás hafi verið með einhverju móti réttlætanleg? Ég held varla. Enda hvernig á þessi her, þeirra í ameríkuhreppi, sem hefur enga reynslu af því að vinna stríð, að koma einhverju í stand þarna.

Mér er til efs að þeir myndu hafa það af að klára Hjálpræðisherinn

 

Myndin er samsett

Yfir 100 Írakar hafa fallið í sprengjutilræðum í dag

Hversu vinamargur er ríkislögreglustjóri eiginlega?

Þetta er tær snilld... NOT

Má þá ekki bara koma þessi liði út á göturnar fyrst það er verið að vasast með það launum hvort eð er. Það gæti hugsanlega fækkað einhverjum líkamsárásum, nauðgunum og öllum þessum óþverra sem ekki einu sinni væri liðinn í Bronx...

Þetta RÍKIS er að verða algerlega óþolandi. Þjóðin á ekki þetta... þjóðin á ekki hitt... RÍKIÐ á.

Sko meðan ykkur lúserunum tekst ekki að tryggja öryggi borgaranna, frá degi til dags... þá skuluð þið sko sleppa því að vera í einhverjum 24 leik haldandi það að ykkur tækist að tryggja öryggi ríkisins. Manni væri kannski aðeins minna heitt í hamsi hefði staðið öryggi þjóðarinnar... en skítt með hana samkvæmt hefðinni.

Tillögur um 240 manna launað varalið lögreglu

Ætli þeir viti af þessu á Hótel Sögu...

Byssulampar og kynlífshjálpartæki á hönnunarsýningu í tengslum við listahátiðina Franskt vor á Íslandi 

Úr sýningarskránni:

„Kynlífs- og klámbylgjan hefur gengið yfir öll svið daglega lífsins, allt frá tísku til auglýsinga, bókmennta og kvikmynda. Nú mætir kynlífsmenningin til leiks í hönnun með kímni og leikgleði. Þetta ber vott um aukið frelsi í siðferðisefnum en einkum þó um það að samanherpingur í viðhorfi til þessara hluta er á undanhaldi. Nú á dögum verður hver einasti hönnuður sem vill láta taka sig alvarlega að búa til að minnsta kosti eitt kynlífsleikfang. Með því að vísa í kynlífið er verið að sýna að viðkomandi sé frjáls með opinn huga. Það er líka verið að sýna að viðkomandi er Frakki sem gleymir hvorki hinni frjálslyndu fríhyggju átjándu aldarinnar né heldur Sade markgreifa.“

Bíða menn nú spenntir eftir franska sumrinu

Byssulampar og kynlífshjálpartæki á hönnunarsýningu

Hvernig velja menn sér bloggvini

Ég var svo vitlaus þegar ég byrjaði að blogga að ég hélt að þetta bloggvinakerfi væri svipað og favorites. Þ.e maður addaði einhverjum inn svona rétt til að fá link á síðana hjá honum þannig að auðveldara væri að komast þangað til að lesa viðkomandi blogg.

Hef svo verið að spá í þetta á síðum hinna ýmsu sem maður rekst inná og ég það er greinilegt að sumir finna sér bloggvini sem eru sammála þeirra pólítísku skoðunum, sumir virðast hreinlega safna bloggvinum, aðir eru greinilega að leita að þeim sem hafa áhuga á sömu hlutum og svo videre.

Bara svo það fari ekki framhjá neinum þá óska ég eftir bloggvinum hjá þeim sem ég hef gaman af að lesa... burt séð frá skoðunum þeirra. En verð þó að viðurkenna að kaldhæðinn húmor viktar þó alltaf ansi vel...

Mér finnst margar konur mun skemmtilegri pennar en við karlarnir. Þær eru svona glentari á því og láta fleira flakka og ég hef alltaf hrifist af þeim sem "tala mannamál". Ástæðan fyrir því ég minnist á konurnar er sú staðreynd að þrátt fyrir þetta finnst mér oft sem þær mættu taka upp blogghættina í daglega lífinu því ég verð að viðurkenna að þar finnst mér stundum skorta á mannamálið.

Dæmi: Eigum "við" að hella uppá kaffi?... æji þið skiljið þetta stelpur mínar

Gott að ekkert annað er að...

Einhvernveginn fynndist mér að húðflúrsáhugi hennar væri ekki efstur á áhyggjulistanum væri hún dóttir mín.

En kannski er sjálfsmyndin hjá stelpugreyinu orðin svo slæm að henni finnst að allt sem hylji sé til bóta. Eins og þetta var nú sæt stelpa og er reyndar...

Hafa áhyggjur af áhuga Britneyjar á húðflúri

Vatnsviðgerð lokið á Dagverðareyri

Hvernig gera menn við rafmagn, vatn og fleira í þeim dúr. Mér er alveg lífsins ómögulegt að átta mig á því og er þó eldri en tvævetra.

Mé finnast oft fyrirsagnir frétta hálf lítt lukkaðar. Samanber þessa í fréttinni hér að neðan. Fyrir það fyrsta er það að mínu viti ekkert til sem heitir rafmagnsviðgerð og í öðru lagi mætti spyrja sig.. Hvar hófst viðgerðin?

En hvað veit ég svosem um fyrirsagnir.

Rafmagnsviðgerð lokið á Sauðárkróki

Brothætt hjón...

Segi og skrifa... þessar íþróttir allar eru stórhættulegar. Hvort sem það er nú hestamennska eða skíðaiðkun.

Annars óska ég þessari elsku bara góðs bata og vona að hún hafi það sem allra best.

Dorrit lærbrotnaði í skíðaslysi