Umhvað skildu þættirnir snúast væru þeir framleiddir hér?

Fór að velta því fyrir mér hvaða persónur hefðu orðið fyrir barðinu á þeim South Park félögum ef þær ættu að fjalla um Íslenskan veruleika.

Held reyndar að þeir þurftu að framleiða eina 10 þætti á dag ef þeir ættu að geta gert grín að öllum hneykslismálunum  í okkar samfélagi. Og það er ljóst að einn og einn pólítíkusinn myndi ekki hafa þá félaga á boðskortalistanum sínum. En óneitanlega yrði gaman að sjá eins og einn þátt frá þeim um okkur.

Svo mín spurning er: Um hvað yrði fyrsti þátturinn hjá þeim?

Englandsdrottning látin fremja sjálfsmorð í South Park

Hvaða hæstaréttardómara nauðgaði hann?

Orðalag frétta skiptir máli. Samkvæmt þessari frétt mætti helst skilja það á textanum, að brotið hefði átt sér stað í Hæstarétti á aðventunni árið 2005

Páll E. Winkel, yfirmaður stjórnsýslusviðs ríkislögreglustjóra, hefur staðfest í samtali við Fréttavef Morgunblaðsins að greiningardeild ríkislögreglustjóra hefur náð Davíð Garðarssyni sem verið hefur á flótta sl. rúmt ár, en Davíð gaf sig fram við greiningardeildina. Hann var dæmdur í tveggja og hálfs árs fangelsi fyrir nauðgun og fíkniefnabrot í Hæstarétti í desember 2005 en flúði land og hefur verið á flótta síðan.

Nú er það bara spurningin: En skyldi eitthvað vera laust á Hrauninu?

Gaf sig fram við lögreglu eftir að hafa verið rúmt ár á flótta

En vantar barinn...

Lindsay Lohan fær ókeypis afnot af íbúð á Manhattan

Lindsay Lohan fær ókeypis afnot af íbúð í nýrri byggingu á Manhattan vegna þess að byggingafyrirtækið vildi ljá húsinu glamúrímynd.

Fregnir höfðu borist af því að hún hefði keypt íbúðina í Atelier-byggingunni á West 42nd Street, en byggingafyrirtækið sem á húsið bauð henni að nota íbúðina endurgjaldslaust til að vekja athygli á húsinu.

Íbúðin mun vera innréttuð í stíl sjötta og sjöunda áratugarins og í húsinu er heilsuræktarstöð, sána, innisundlaug, körfubolta- og blakvellir og billjarðstofa á efstu hæðinni.

Það er eins og mig hálf minni að einhver fasteignaeigandinn hefði verið að reyna að losna við Lindsay ræfillinn út, og það fyrir ekkert alltof löngu síðan. Þessi er kannski að reyna að lokka til sín París Hilton, Britney Spears, Nicole Ritchie og þessar sífullu L.A. druslur. Þetta gæti þá orðið  svona nokkursskonar Hollywood útgáfa af Keisaranum sáluga. Nei seigi nú bara svona...

Lindsay Lohan fær ókeypis afnot af íbúð á Manhattan

Taka sex

Ricky Gervais svívirtur í beinni...

Já þó þeir hefðu nú ekki verið að taka upp svívirðinguna fyrirfram.... sá sem svívirti hefði kannski fatast flugið og þá þurft að taka þetta upp mörgum sinnum...

Annars var ég bara feginn að sjá, við frekari lestur fréttarinnar, að Ricky getur ennþá tyllt sér... maður var eiginlega þess fullviss, eftir að hafa lesið hausinn, að hann hefði fengið það óumbeðið.

 

Ricky Gervais svívirtur í beinni útsendingu

Að setja sig í spor krimmanna

Lögregluþjónn tekinn fyrir ölvunarakstur

Aðstoðaryfirlögregluþjónn á Írlandi, sem hefur með höndum umferðaröryggi, var tekinn grunaður um ölvun við akstur í gærkvöldi. Nú stendur yfir átak á Írlandi gegn ölvunarakstri.

Var lögregluþjónninn handtekinn eftir ábendingu frá vegfarenda sem þótti ökulag mannsins furðulegt.

Er lögregluþjónninn einn af fimm lögregluþjónum sem voru valdir fyrr í mánuðinum til þess að hafa umsjón með umferðaröryggi á þjóðvegum Írlands, þar á meðal ölvunarakstri.

Var lögregluþjónninn að aka ómerktri lögreglubifreið þegar hann var stöðvaður.

Þetta heitir sko að setja sig inn í hlutina...

Lögregluþjónn tekinn fyrir ölvunarakstur

Að verðlauna vitleysingana

Þvílik endemis della þessi dómur... þarna er sko verið að verðlauna þessa vitleysinga sem ekki fara að reglum.

Þetta er kannski bara málið... hætta að borga í göngin og hafa bara reglulega eigendaskipti á dósinni við einhvern sem þarf að nýta göngin líka... síðan er bara hægt að skiptast á að segja fyrir dóminum... ég fór bara einu sinni en hinn játar að hafa farið nokkrum sinnum?

Kannski spurning með að borga bara 1000 kallinn áfram og eiga frí frá dómsölunum...

Bíl ekið 56 sinnum um Hvalfjarðargöng án þess að veggjald væri greitt

Full eða edrú... það er spurningin

Paris ræfillinn Hilton fékk skilorðsbundim dóm fyrir að aka full... en á yfir höfði sér 3. mán fangelsi fyrir að aka edrú... að vísu án réttinda.

Spurning hvort hún hefði ekki bara átt að fá sér einn gráan og druslu með dagljósabúnaði 

Verður París Hilton sett í steininn?

Hversu siðblindir geta menn orðið

Hvernig er ástandið að verða hér á fróninu. Þessi óheillaþróun hefur átt sér stað á ótrúlega fáum árum. Það virðist ekkert heilagt lengur. Ég man þegar ég var yngri, að þrátt fyrir að menn slægust stundum þá voru þrátt fyrir allt óskráðar reglur... menn skyldu vera svipaðir að burðum, menn spörkuðu ekki, hárreittu ekki, notuðu ekki hjálpartæki, einn á móti einum og svo framvegis. Í dag virðast menn gera leik að því að ráðast í hópum að einhverjum sem á sér enskis ills von og síðan hamast hver sem betur getur við að sparka í höfuð og annað álíka ógeðfellt.

Mér er sama hvað hver segir... svona hyski á að fangelsa við fyrsta brot. Að skilyrða dóma hjá þeim sem fremja slík níðingsverk er ekkert nema óútfyllt ávísun á meira ofbeldi.

Ráðist á mann á áttræðisaldri á Miklubrautinni

Skyldi spikið lengja lífið

Ja það er ljóst að ef ég næ 100 ára aldri(sem verður að teljast frekar ólílegt) þá verð ég að  sleppa forskeytinu SEL  í viðtalinu við moggann þegar rætt verður um spik.

Viðtalið og umsögnin við mig gæti hljóðað svona:

Steini Gunn varð 100 ára í gær. Hann er síður en svo ern, gengur ekkert frekar til heimilisstarfa en fyrr... þá er hann með síst betri sjón og heyrn en fyrir 50 árum.

Blm: Hverju, Steini minnn, þakkar þú svo langlífið?

Ég: Ha... ja ætli letin hafi ekki hjálpað talvert og helvítis Au Pair-inn. Nú og svo má ekki gleyma spikinu

Þakkar selspiki langlífi

Kasper, Jesper og Frjálslyndur?

"Tveir karlmenn frá Litháen voru handteknir á Akranesi í gærkvöldi sakaðir um rán á tölvum og fleiri varningi. „Við erum að senda þetta glæpagengi suður núna," sagði lögreglumaður í samtali við Fréttavef Morgunblaðsins. Mennirnir fóru inn í verslanir á opnunartíma og náðu sér í varning án þess að greiða fyrir hann."

Hélt einhvernveginn að það lægi í hlutarins eðli að þeir hefðu ekki greitt fyrir varninginn fyrst var verið að saka þá um rán?

Skyldi Jónatan vera á Hrauninu?

Handteknir fyrir gripdeildir á Akranesi