Þeir hafa greinilega horft á hryðjuverkamanninn í Kastljósinu

Pælið í einu... það þarf 4 ára sérnám  til þess að fá réttindi til að mála húsveggi.

Seðlabankastjórinn óðamála er lögfræðimenntað smásagnaskáld sem hefur aldrei praktiserað lög

Fjármálaráðherrann ósýnilegi er dýralæknir

Bankamálaráðherrann er með BA-próf í sögu og heimspeki.

Utanríkisráðherrann(starfandi) er sérfræðingur um kynlíf silunga

Er þetta kokteillinn sem við þurfum þessa dagana?

Geir Harde virðist eini maðurinn sem hafi menntun til að standa í þessum slag. Hann er þó með BA-próf í hagfræði frá Brandeis-háskóla, Bandaríkjunum, 1973. MA-próf í alþjóðastjórnmálum frá Johns Hopkins-háskóla, Bandaríkjunum, 1975. MA-próf í hagfræði frá Minnesota-háskóla, Bandaríkjunum, 1977.  Og ofan á allt saman veitti Minnesota-háskóli honum síðan heiðursdoktorsnafnbót í fyrra.

En Geiri er bara ekki nóg - Það þarf að koma sérfræðingum til starfa og ákvarðanatöku í sSeðlabankann og það strax. Og það mætti eflaust skipta út víðar.

Hryðjuverkalög gegn Landsbanka

Athugasemdir

[thorhallur (IP-tala skráð) 9.10.2008 kl. 01:44]

Er thetta ekki bara ísland í hnotskurn. Alveg med ólíkindum thetta land og stjórn thess.

[Þorsteinn Gunnarsson, 9.10.2008 kl. 02:25]

Við höfum bara ekki efni á að vera með svona lið við þessar aðstæður. Enda kæmi mér ekki á óvart þótt eitthvað færi að gefa eftir í samstarfinu fljótlega. Það hljóta einhverjir stjórnarliðanna að vera búnir að fá sig fullsadda af seðlabankastóra í það minnsta.

[Guðmundur Ásgeirsson, 9.10.2008 kl. 09:11]

- Úrdr. úr X. kafla almennra hegningarlaga -

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …¹⁾ fangelsi allt að 3 árum, eða sektum, ef sérstakar málsbætur eru fyrir hendi.

Við skulum vona fyrir hönd allra hlutaðeigandi að þeir muni geta borið við gáleysi þegar þar að kemur.

P.S. Vek athygli á þessari undirskriftasöfnun með áskorun á stjórnarformann Seðlabankans að segja af sér.

[Jónína Dúadóttir, 9.10.2008 kl. 09:38]

Mörg bros og stórt knús í þitt hús Steini minn