Los Angeles hvað....

Bjó á Akureyri í 40 ár og fór á þeim árum kannski þrisvar eða fjórum sinnum í leikhús en hét því þó í hvert skipti að þetta yrði maður að gera meira af. Fluttist fertugur á Selfoss og fannst heldur ómerkilegt að ekki væri einu sinni bíó hér á staðnum. Við Helga skruppum því stundum í bæinn í bíó og sáum jafnvel 2 myndir í ferð. Nú er löngu komið bíó á Selfoss svo bíóferðirnar í bæinn eru liðin tíð.

En ég hef hinsvegar aldrei komið inn í Selfossbíó. Stundum verða menn einfaldlega að sækja vatnið yfir lækinn.

Flóin slær LA-metið

Athugasemdir

[Páll Jóhannesson, 26.2.2008 kl. 22:00]

Þannig er það allt of oft Steini minn að menn sæki vatnið yfir lækinn.

[Jónína Dúadóttir, 26.2.2008 kl. 22:03]

Fór á Fló á skinni á laugardagskvöldið og það var rosalega gaman ! Spurning um að skreppa yfir lækinn og koma norður í leikhús ? 

[Þorsteinn Gunnarsson, 26.2.2008 kl. 23:48]

Já það væri vissulega freistandi enda að verða skammarlegt hvað það eru mörg ár síðan ég hef komið í Heiðardalinn en  verður samt að bíða betri tíma... frúin ekki enn orðin nógu hress í svona langferðir... Spurnig með að skella sér frekar í sumar... nema að þeir verði enn að sýna þetta ef aðsóknin er alveg endalaus

[Páll Jóhannesson, 27.2.2008 kl. 18:17]

Já! vel og minnst þá bauð ég konunni í leikhúsið á konudag og sáum við Fló á skinni. Frábær skemmtun. Reyndar sá ég þetta stykki árið 1972 og í minningunni þá minnti mig að ég hafi hlegið mun meira þá - en alla vega gott og skemmtilegt.