Athyglisvert að mannréttindadómstóllinn lækkaði bæturnar svo mikið

Ég óska málsaðilum til hamingju með sigurinn í þessu máli.  Auðvitað hef ég ekki lesið dóminn en velti fyrir mér þeirri lækkun sem á sér stað frá dómi Héraðsdóms. Vaninn á Íslandi er að dæma lágar og oft alveg svívirðilega lágar bætur svo þetta skýtur svolítið skökku við.

Mannréttindadómstóllinn úrskurðar íslenskri stúlku bætur

Athugasemdir

[Nanna Katrín Kristjánsdóttir, 5.7.2007 kl. 12:09]

Ég er sammála, að lækka bæturnar næstum 20 m. er finnst mér lélegt.  Mér finnst líka sjálfsagt að fólkið fái skriflega afsökunarbeiðni, iðrun og ríkið viðurkenni sín mistök.

[Stefán Bogi Sveinsson (IP-tala skráð) 5.7.2007 kl. 12:49]

Það er mikilvægt að gera sér grein fyrir því að Mannréttindadómstóllinn er EKKI að dæma um það hvort læknamistök hafi orðið eða ekki. Skaðabætur eru dæmdar vegna þess að talið var að málsmeðferð hafi ekki staðist reglur Mannréttindasáttmála Evrópu. Dómstóllinn í Strasbourg getur ekki snúið dómum Hæstaréttar. Sá dómur stendur óhaggaður. Raunar eru þetta því líklega ekki skaðabætur sem dæmdar eru stúlkunni, heldur einhvers konar miskabætur, en fjölmiðlar rugla þessu tvennu oft saman.

[Jóna Á. Gísladóttir, 5.7.2007 kl. 12:57]

Mjög fræðandi innlegg frá Stefáni. Þetta hafði ég ekki hugmynd um.

[Þorsteinn Gunnarsson, 5.7.2007 kl. 13:12]

@ Nanna - Trúlega verður farið fram á einhverjar bætur frá ríkinu í framhaldinu.

@ Stefán - Í það minnsta eru henni dæmdar bætur.. hvort heldur er vegna miskans eða málsmeðferðarinnar og lág upphæð þeirra bóta er eftir sem áður athyglisverð.

@ Jóna - Sammála