Skammarlegt...

Ungmennin vinna 17,5 klst. á viku, en komið hefur í ljós að þau fá aðeins greitt fyrir 14 klst. Áður voru launagreiðslur á höndum Vinnuskólans í Reykjavík en í sumar greiðir Svæðisskrifstofa fatlaðra laun þeirra. Upphæðin sem hafði verið eyrnamerkt verkefninu reyndist hins vegar of lág og fá þau þess vegna lægri laun. Leiðbeinendur þeirra fá hins vegar greidd full laun.

Svona bara gera menn ekki!

Fatlaðir sumarstarfsmenn fá ekki full laun

Athugasemdir

[Guðrún Helgadóttir, 4.7.2007 kl. 14:58]

Sammála, þetta er til skammar.

[Inga Þyri Þórðardóttir (IP-tala skráð) 4.7.2007 kl. 15:36]

Auðvitað á pósturinn bara að borga þessa 3,5 tíma sem upp á vantar... Þessir starfskraftar hljóta að vera þess virði. Það er ekki eins og Pósturinn sé að gera Svæðisskrifstofunni einhvern greiða, heldur þá öfugt.

Hitt er annað, ef ég væri í sporum þessara einstaklinga og allt í einu væri mér boðið að prófa eitthvað nýtt í staðinn fyrir að reita arfa í tíma og ótíma myndi ég frekar vilja fá víðtækara framboð á starfsumhverfi og lægri laun... að minnsta kosti leyfa þeim að hafa valið.

[Sigurður Viktor Úlfarsson, 4.7.2007 kl. 15:50]

Möguleikarnir eru þrír:

1) Segja einhverjum upp og greiða þeim sem eftir verða 17,5 klst. á viku (vond lausn).
2) Láta núverandi hóp vinna 14 klst. á viku en ekki 17,5 (vond en samt ekki eins vond og 1) ).
3) Fá aukafjárveitingu (ef vilji er fyrir því).

Það segir sig sjálft að það gengur ekki að greiða þeim 14 klst. en láta þá vinna 17,5 klst.

[Þorsteinn Gunnarsson, 6.7.2007 kl. 17:51]

Fyrirtækin greiða EKKERT af þessum launum og mættu í það minnsta, miðað við lýsingar þeirra á dugnaði þessara starfsmanna, greiða þeim það sem uppá vantaði.