Láttu Bullit í friði

Sumt á bara einfaldlega að láta í friði. Ég man ennþá eftir þessari bíóferðinni. Sat, 10 ára gamall, nálægt enda á öðrum eða þriðja bekk í Borgarbíó á Akureyri og fékk í magann af því að horfa á þennan einn frægasta eltingaleik kvikmyndasögunnar um hæðir San Fransiskó.

Á þessum tíma voru menn ekki vanir slíkum skotum enda lítil þjálfun af vídeóleikjum, sjónvarpi, tölvum og öðru og heilinn bara las þetta ekki sem best. En kikkið var geggjað. Og ekki síður töffarinn Steve McQueen og bílarnir.

Steve ók sjálfur í þessum eltingaleik og vildi alls ekki nota stuntara. Reyndar þurfti bara að nota tvo 390 Mustang GT fastback og tvo Dodge Charger R/T 440 Magnum í þennan eltingaleik svo þessir kallar gátu sannarlega keyrt. Það sem var líka sérstakt við þennan eltingarleik í annars dapurri sögu var sú snilld að vera ekkert að keyra einhverja tónlist yfir heldur leifa manni að fá hljóðin fá bílunum í æð.

Enda kom ekkert annað en Mustang til greina þegar maður fjárfesti í fyrsta ameríska bílnum nokkrum árum seinna. Sá vagninn þoldi að vísu ekki eins vel stökkin og hinn í Bullit en þó var mesta furða hvað hann hékk saman og ekki var eins og ekkert hefði verið reynt á hann.

Pitt endurgerir Bullitt

Athugasemdir

[Þorsteinn Gunnarsson, 4.7.2007 kl. 12:49]

Mussarnir voru nú talsvert liprari þrátt fyrir gallana. En reyndar get ég sagt þér fá kappakstri þar sem original 4 gíra beinskiptur Mussi 390 '68 át Charger R/T sem reyndar var 426 Hemi og talvert tjúnaður í ofanálag, en hefði samkvæmt bókinn átt að eiga sigurinn vísan. Þannig að eftir að hafa átt báðar þessar tegundir finnst mér þetta síst minna sannfærandi en margt annað í kvikmyndasögunni