Gerðu það skrifaðu uppá fyrir mig?

Sérstakir matsmenn hafa það verkefni að ræða við ættingja og vini viðkomandi starfsmanns í þeim tilgangi að komast að því hvort starfsmennirnir heiðri föður sinn og móður.

Sérfræðingar segja að á meðan Kína er að nútímavæðast standi ýmsar hefðir, s.s. að sjá fyrir foreldrum sínum, höllum fæti.

Hérna virðist hátturinn frekar vera sá að koma gamla settinu á kaldan klakann með því að láta það skrifa uppá lánið og yfirdráttinn sem síðan er engin innistaða fyrir... nema eignir foreldranna. Já kynslóðin sem í dag er um tvítugt kemur vart til með að eiga fyrir umönnun foreldra sinna eftir að hafa verið nörruð kerfisbundið, af bönkum, fjarmálafyrirtækjum og með auglýsingum bifreiðaumboða, fasteignasala og annarra þeirra sem eru að selja heilli kynslóð þá hugmynd að hún geti bókstaflega ekki án Landcruisers, fyrir utan einbýlishúsið, verið.

Best lýsandi fyrir þetta er auglýsingin þar sem einhver stendur með grjótgrind af jeppa og gefið er í skyn að hann hafi getað kreist út fyrir króminu... síðan segir...: VIÐ FJÁRMÖGNUM RESTINA

Djöfuls mildi er að vera ekki tvítugur í dag.

Heiðra skaltu föður þinn og móður viljirðu ná langt í starfi