Samfélagsþjónustu í stað sekta

Ég held það væri þjóðráð að fara að taka upp þann hátt að dæma þessa kalla til samfélagsþjónustu í stað sekta. Eins og í öðrum dómum væri þá fangelsi til vara ef menn sinntu ekki skyldunni.

Gæti verið ágætt að láta þá sinna fórnarlömbum umferðarslysa á deildum sambærrilegri Grensás og örðum endurhæfingarmiðstöðvum. 

Mældist á 160 km hraða á Reykjanesbrautinni

Athugasemdir

[Þorleifur Ágústsson, 9.4.2007 kl. 13:47]

sammála þér Steini. Vildi óska þess að fleiri úngir menn væru eins og við vorum í den - aldrei yfir löglegum hraða. Það bara tíðkaðist ekki þá. En gerir í dag. Því miður. Maður komst bara ekkert hratt á rúntinum umhverfis torgið í den......kv, tolli.

[halkatla, 9.4.2007 kl. 13:58]

þetta er mjög góð hugmynd og sniðug lausn til þess að refsa og endurhæfa í senn.

[Jóna Á. Gísladóttir, 9.4.2007 kl. 16:06]

Þorsteinn! Brilliant hugmynd. I mean it. Nú þarf bara að leggja fram frumvarpið. Þú ferð létt með að koma því í gegn.

[Hreiðar Eiríksson (IP-tala skráð) 9.4.2007 kl. 17:10]

Allt hefur sinn stað og sinn tíma.  160 km hraði er kannski ekki svo mikið við þokkalegar aðstæður.  En ef einhver er nærri (og þá á ég ekki við lögguna í leyni) þá er þetta alvarleg lítilsvirðing við öryggi náungans. 

Í mínu ungdæmi (sem var um svipað leiti og Þorleifur var ungur - blessaður Þorleifur) þá kom það af og til fyrir að nálin læddist upp fyrir 70 km merkið á hraðamælinum.  Stundum tvöfaldaði maður og þóttist góður.  Allt varð þetta að fara fram á þröngum malarvegum því að í þá daga var ekki boðið upp á tjörumöl eins og í dag. 

Þrátt fyrir hækkandi sektir og einhverskonar punktakerfi þá virðist ekkert lát vera á hraðakstri ungra manna og kvenna.  Það fær mig til að álykta að það sé í mannlegu eðli að "slá í Grána" og ég hef aldrei verið hrifinn af hörðum refsingum við eðlilegri hegðun.  Ég held hins vegar að það þurfi með einhverju móti að koma upp aðstæðum þar sem ungt fólk getur ekið hratt utan umferðaræðanna, þ.e. á lokuðum svæðum ætluðum til hraðaksturs og annarra akstursíþrótta.

[Þorsteinn Gunnarsson, 9.4.2007 kl. 17:23]

@Hreiðar Já það er nú eins mig rámi líka í að hafa farið í 55 einhverntímann og jafnvel man ég eftir einhverjum, nú fyrrum rannsóknarlögreglumanni, sem var eitthvað að væla í mér að borga einhvern sektarsnepilinn og gerði það með þeim orðum að ef ég ekki færi að borga þetta þá gerði hann það sjálfur...

Hinsvegar lít ég ekki á samfélagsþjónustu sem harðari refsingu en peningasekt... bara effectivari...

En ég er sammála þér með nauðsyn þess að vera með svæði þar sem hægt er að slá í Grána eins og þú kallar það. Og man reyndar eftir því að þegar við(ég 17 þá ára) vorum að stofna t.d Bílaklúbb Akureyrar á sínum tíma, þá gerði vonin ein um slíkar úrbætur það að verkum að kappökstrum á götunum stórfækkaði.  Á þeim tíma vorum við nokkrir villingarnir á amerískum 8 gata sem eitthvað komust áfram en í dag er lunginn af mannskapnum á bílum sem hefðu skilið okkur eftir slík er orkan og hraðagetan. Hinsvegar fara vonirnar um viðunandi svæði dvínandi eftir því sem árin færast yfir(verð fimmtugur á næsta ári) svo kannski er fjlótlegri lausn að prófa samfélagúrræðið.

[Klara (IP-tala skráð) 9.4.2007 kl. 19:44]

 Það á bara hreint og beint að girða niðrum þá brækurnar og flengja duglega, þessa þá sem kunna sig ekki í umferðinni... Ef viðurlögin segðu til um það að hver sem brýtur af sér á þennann hátt  verður FLENGDUR Á BERANN BOSSANN þá hugsa ég að margir myndu hugsa sig tvisvar um áður en þeir ákveða að kítla pinnann.