Steini minn... heldur þú talir ekki við konuna þína...

Við karlar ættum í það innsta ekki að reyna þetta... enda allavega hvað mig varðar þá er kappnóg fyrir mig að reyna að pikka inn SMS ef ég er einhverstaðar í næði... og nákvæmlega ekkert annað að gera.

Ég fór að hugsa um atvik við lestur þessarar fréttar, atvik sem gerðist áður en hægri þumall landans þróaðist yfir í SMS pikkara. Það kom semsagt lögreglumaður að máli við mig fyrir margt löngu og bað mig endilega að tala við þáverandi konu mína vegna þess að þeir hefðu mætt henni á 82km. hraða þar sem hámarkshraði var 50. 

Ég spurði að sjálfsögðu afhverju þeir hefðu ekki einfaldlega stoppað hana... Þá svaraði lögreglumaðurinn " við þorðum það bara ekki" þorðuð ekki hváði ég...???

 "Nei hún var nefnilega að varalita sig"

Íhuga að banna með lögum sms-skrif undir stýri

Athugasemdir

[Jóna Á. Gísladóttir, 28.3.2007 kl. 23:39]

Þú og þín fjölskylda eruð greinilega í klíkunni

Ég á þetta til. Set upp andlitið á leiðina í vinnuna. Mjög ánægjulegt þegar tekur að birta á morgnana því ég treysti mér ekki í þetta yfir vetrarmánuðina. Myndi sennilega ekki vera árennileg eftir að hafa klínt á mig meiköppi, blindandi undir stýri. Veit þetta er óábyrgt en ég er afskaplega varkár og meginparturinn er framkvæmdur á rauðu ljósi.