Frétti einmitt af páfagauk sem...

hnoðaði eiganda sinn í gang eftir hjartaáfall. Hinsvegar gekk honum verr með munn við munn systemið, en nú segja sérfræðingarnir að það sé hvort eð er óþarfi svo...

Hundurinn minn hann Ýmir hrýtur hér í hornsófanum aftan við mig og gæti ekki verið meira sama hvort það stæði í mér eða ekki. Enda bara 41 kg boxer kjölturakki sem hefur ekki grun um að hann sé hundur og kann því örugglega ekki Heimlich-takið

Hundur bjargaði eigandanum með Heimlich-taki

En skyldi hann hlusta?

Hraðbankinn: Þetta er Hraðbanki Glitnis góðan daginn. Vinsamlega tengdu heyrnartólin. - - Nei adeins neðar... örlítið neðar... og svo agnarögn til hægri. Þarna kom þetta. Hvernig get ég aðstoðað?

Viðskiptavinurinn: Ég ætlaði að taka út peninga af reikningnum hjá mér. Reikningsnúmerið er..

Hraðbankinn: Uss ekki upphátt vinur...

Viðskiptavinurinn: hvíslar... 523...

Hraðbankinn: Halló.. ertu þarna???

Hraðbankinn: Þetta er Hraðbanki Glitnis góðan daginn. Vinsamlega tengdu heyrnartólin.

Nei vonandi er þetta mikilla til hagsbóta fyrir blinda og sjónskerta og allltof sjaldgæft að slíkar tækninýjungar séu unnar með þeim aðilum sem málið varðar.  

Sá samt ofanritað bara einhvern svona fyrir mér þegar ég las fréttina

Talandi hraðbankar í Ósló

Hafa ekki efni á því að deyja

Hver eru lífsgæðin? 

Mér er spurn hvort það sé svo eftirsóknarvert eftir allt saman að verða mjög aldraður á Íslandi? Miðað við ástandið í málefnum þeirra er það í það minnsta ekkert tilhlökkunarefni fyrir mig að verða mjög aldraður. Þau okkar sem eiga ekki svera lífeyrissjóði t.d vegna örorku eða annars... getum vart hlakkað til að reyna að hokra á ellilífeyrinum einum saman. Ég held að aðalástæðan fyrir langlífi Íslendinga sé að lunginn hafi einfaldlega ekki efni á því að deyja...

Búum öldruðum áhyggjulaust ævikvöld... Yeah right...

Íslenskir karlar verða karla elstir í heiminum

Steini minn... heldur þú talir ekki við konuna þína...

Við karlar ættum í það innsta ekki að reyna þetta... enda allavega hvað mig varðar þá er kappnóg fyrir mig að reyna að pikka inn SMS ef ég er einhverstaðar í næði... og nákvæmlega ekkert annað að gera.

Ég fór að hugsa um atvik við lestur þessarar fréttar, atvik sem gerðist áður en hægri þumall landans þróaðist yfir í SMS pikkara. Það kom semsagt lögreglumaður að máli við mig fyrir margt löngu og bað mig endilega að tala við þáverandi konu mína vegna þess að þeir hefðu mætt henni á 82km. hraða þar sem hámarkshraði var 50. 

Ég spurði að sjálfsögðu afhverju þeir hefðu ekki einfaldlega stoppað hana... Þá svaraði lögreglumaðurinn " við þorðum það bara ekki" þorðuð ekki hváði ég...???

 "Nei hún var nefnilega að varalita sig"

Íhuga að banna með lögum sms-skrif undir stýri

Heppin að vera kristin...

Svo er fólk að fara á límingunum yfir þjóðkirkjunni... ekki er sr. Karl að skipa landanum að skipta um dóp yfir hátiðarnar...þó svo hann vilji ekki gifta samkynhneygða... en það er nú ekki hægt að vera liberal á öllum sviðum... en kannski kemur þetta hvort tveggja hjá honum.

Gyðingar varaðir við því að reykja kannabisefni yfir páskana

Betra seint en aldrei... eða hvað?

Ég bar út Moggann fyrir rúmum 40 árum og einhverveginn þætti mér ekki mikið til koma ef ég fengi í dag viðurkenningu fyrir að hafa staðið mig vel.

Mér datt meira að segja í hug þegar ég las fréttina að þessar tvennu vígstöðvar væru, eins og segir í fréttinni,  væru "annars vegar í seinni heimsstyrjöldinni og hins vegar" í þeirri fyrri... 

en það var kannnski ekki alveg svo slæmt.

Bush heiðrar þeldökka flugsveitarmenn

Við heppin...

Það er spurning hvað þessar elskur hefðu gert, þegar þinginu tókst á síðustu metrunum að lögleyfa vændi, hefðu þær búið hér uppá skerinu... Menn væru þá kannski að reyna að leysa út þingmannaskarann... Segi nú bara svona.

Annars datt mér helst í hug þegar ég las fyrirsögnina að þær hefðu dregið gíslana með sér á milli landa? Kannski verið heppilegra að orða hana:

Konur halda eiganda vændishúss í Pakistan í gíslingu. En hvað veit ég...  

Konur halda eiganda vændishúss í gíslingu í Pakistan

Nett neyðarlegt...

Gott að ekki fór verr...

Ég átti sumarbústað rétt ofan Melgerðismela fyrir áratug eða svo og á þeim tíma lentu flugvélar og svifflugur einfaldlega á melunum sjálfum enda fínasti flugvöllur.  Svo er bara að vona að blessaður flugmaðurinn hafi ekki verið með iPod sem flæktist í besíngjöfinni við það að skaka sér undir taktinum frá Aeroplane með Björk  

Nauðlenti á Eyjafjarðarbraut

Enn ein niðurlægingin...

Hvernig er dómskerfið okkar eiginlega orðið? Ég hélt einfaldlega að slíkur heiguls verknaður, hvort tveggja myndatakan og ekki síst að reka vasaljós inn í konuna, flokkaðist undir nauðgun  eða í öllu falli annað kynferðislegt ofbeldi og saksóknaraebættið ætti einfaldlega að dæma útfrá því. Látum það vera að einhverjum bókhaldsákærum sé vísað frá vegna þess að vísað sé til rangrar greinar hegningarlaganna en þetta rugl getur ekki verið réttlætanlegt.  Skammarleg niðurstaða.

Sýknaður af ákæru fyrir að taka mynd af naktri konu

Spurning um orðaval...

..en hefði ekki "Hvíta húsið ítrekar hótun sína um að beita neitunarvaldi" verið eðlilegri fyrirsögn.

Hvíta húsið ítrekar fyrirheit um að beita neitunarvaldi