Gleðileg jól

Þetta er algjört möst öll jól ásamt KEA hangikjöti, laufabrauði, jólaöli og súrkáli.

Gleðileg jól kæru bloggvinir og hafði það sem allra best um hátíðirnar!

Er þetta nú ekki orðum aukið...

Þetta með hálkuna á Hellisheiðinni... ók hana um miðnættið og það var ekki einn hálkubeltt að finna á henni né reyndar nálægt henni... enda heiðin alauð, asahláka og ausandi rigning?

Það skyldi þó ekki vera að svona fréttir séu ástæða þess að fólk t.d trúir ekki lokunarskiltum og öðrum aðvörunum og það þegar síst skyldi.  

Hálka á Hellisheiði

Gómaði konu í bakgarðinum kl 5:30 aðfaranótt sunnudags við það að stela jólaseríu

Var að fá mér að reykja fram í stofu og ljósin slökkt, ró yfir öllu. Verð ég þá var við að kona gengur frá götunni heim að húsinu og hugsaði ég með mér að það væri meiri harkan í þessu útburðarliði að vera að þessu klukkan hálf sex að morgni. Síðan heyri ég ekkert í lúgunni svo ég fer fram í eldhús og lít útum gluggann sem vísar útí bakgarðinn, í átt að kertagerðinni og sé þá þessa konu, á milli fertugs og fimmtugs, þar sem hún stendur og er að horfa í kringum sig. Hún stendur þarna smástund og skannar svæðið, klædd þykkri peysu, með húfu og vettlinga... gengur síðan að einhverri fuglaseríu(sem var eina skreytingin utandyra) og fer að týna hana af trénu sem hýsti hana.

Við skulum orða það þannig að það hafi heldur fokið í mig þegar ég gerði mér grein fyrir að þarna var komin manneskja í þeim tilgangi einum að stela og því sleit ég upp hurðina útí bakgarðinn og hvæsti á hana að hún skyldi "vinsamlegast að láta af þessari iðju".  Hún tók á rás út úr garðinum og út á götu þar sem silfurlitur 4 dyra VW Golfinn hennar beið í gangi... og ók burt.

Þetta var sko kona sem var eingöngu í ránsleiðangri!

Vil svo bara óska henni gleðilegra jóla... þó svo að þau verði kannski á annarra kostnað

Talsvert um innbrot og þjófnaði

Segi og skrifa... Vatn er þvottaefni

Minnugur þess hversu veikir við urðum þegar við tveir pjakkar vorum plataðir í vatnskappdrykkju. Ætli ég hafi ekki verið ca 10 ára þá og hinn svona 13.  Drukkum 2 lítra og fárveiktumst, ældum lifur og lungum og ég man enn svimann sem hrjáði mig það sem eftir lifði þess dags.

Enda svara ég gjarna konunni, þegar ég, við matarborðið bið hana að rétta mér drykk og hún réttir mér vatnskönnuna, að ég sé þyrstur...ekki skítugur.  

Lést vegna ofneyslu vatns

Er þetta nú ekki óþarfa umhyggja...

...að vara menn við vondri veðurspá? Elsku vinir... veðurspár eru yfirleitt frekar vondar og standast illa en þjóðin er vön því og óþarfi að vara hana við. Veðurfræðingarnir gera sitt besta, greyin.

Meiri snillingarnir þessir DV menn!

Perufullur jólasveinn

Ég keypti perufullan jólasvein í dag og skellti í potthúsið. Hef verið að setja gluggaskreytingar í kertagerðina að undanförnu og fannst potthúsið eitthvað svo lítt jólalegt þar sem maður horfði á það útum eldhúsgluggann.

Mér leið eins og smástrák þegar ég var búinn að skella sveinka á plötu og festa í gluggkistuna. Minnti mig á gamla tíma frá Akureyri þegar maður labbaði inn í miðbæ, sem lítill gutti, til að sjá slík undur eins og upplýstan Sveinka og jafnvel jólasvein sem vaggaði höfðinu í einhverjum útstillingarglugganum. Gott ef það var ekki í Kristjáns bakaríi. Svo var þessi fína jólastjarna strengd yfir Hafnarstrætið og þá voru sko að koma jól.

Mér hefur einhvernveginn aldrei fundist þessar nútíma jólaseríur með litlu perunum vera raunverulegar úti jólaseríur. Það eiga sko að vera marglitar stórar perur í útiseríum. Punktur.

Það eru að koma jól.

Blues dagsins

Er í boði Terry Robb

Aldrei er góður blues of oft leikinn...

Hvar er rannsóknarblaðamennskan - Sparnaðurinn er greinilega löngu byrjaður

Það er með ólíkindum hversu "frétta"miðlar eins og RÚV eru að verða óþarfir. Þeir viðra svona rétt aðeins hvað er að gerast en virðast engu púðri eyða í að rannsaka og komast til botns í hlutunum. Fólkið í landinu á heimtingu á því að vita hvað er virkilega að gerast, hverjir standa sig í stykkinu og hverjir ekki.

Flesta daga koma fram vísar að þvílíkum hneykslum að miðlar annarra landa myndu umsvifalaust setja sitt besta lið í rannsóknarvinnu, og frekar en ekki fjölga mannskap en hjá t.d RÚV fékk t.d fréttin um aðgerðarleysi FME gagnvart bankastýrunni styttri umfjöllun en það ef belja ber 2 kálfum.

Að innlendar fréttir skuli ekki vara að lágmarki 1klst. á kvöldi sýnir best hversu áhuga,- og metnaðarlaus þessi vinna RÚV er.

Hver er aftur megin tilgangur ríkisjónvarps/útvarps? Er það ekki að upplýsa almenning og veita stjórnvöldum aðhald.  Fjórða valdið - My arse! - Ja RÚV er greinilega valdslaus sjoppa með öllu.

Afsakaðu á meðan ég æli... og drulla!

                   

Og nú á að selja okkur það sem eðlilegan hlut... að manneskja sem ekki er skárri í heimilisbókhaldinu en svo að hún veit ekki hvort hún skuldar 180 milljónum meira eða minna(og það í tæpt ár) sé hæf til þess að stýra banka?  - Hversags endemis bull og siðleysi er þetta eiginlega.

Ef þú átt hlutabréf Þá fylgist þú með þeim t.d í heimabankanum þínum, þar sem þau koma fram en kannski gleymdist líka að úthluta henni aðgangi að einum slíkum.

Er öruggt að hún sé á launaskrá bankans?

Skammist ykkar!

FME aðhefst ekki vegna viðskipta Birnu