Konan átti afmæli á laugardaginn

Eigum enga höllina en húsið svo sem ágætt. Almenningur eflaust verið upptekinn því takmarkað var ónæðið af honum. Konan fékk þó slatta af blómum en einungis fra okkar börnum og makanum að sjálfsögðu. Síðan dró hún sig í hlé... Fjölmiðlar hafa ekkert fjallað um afmælið enda uppteknir í aðdraganda kosninga.

Who cares?

Svíakonungur á afmæli í dag

Guði sé lof...

Fannst  vera svo langt síðan ég heyrði af vaxtahækkunum að ég hélt ég væri kannski orðinn ónæmur fyrir orðinu... en sem sagt takk fyrir mig.

Bíddu bíddu... þetta hækkar lánin þar þau er verðtryggð en ég á enga peninga á bók? Æji þeim veitir ekki af þessu Kaupþingsmönnum enda hagnaðurinn ekki til hrópa húrra yfir. 

Kaupþing hækkar verðtryggða vexti

Að deyja dauðdaga?

Þetta hlýtur að vera vatn á myllu allavega Sjálfstæðis og Vinstri grænna - og reyndar Frjálslyndra líka sem vilja passa landamærin okkar svo vel.

Ungir sjálfstæðismenn munu hinsvegar örugglega "leiðrétta" Svíana fljótt og vel.. enda vita þeir betur... staðfastir í því að aflétta okri ríkisins og koma boozinu í hverja mjólkurbúð.

Rannsóknin sýnir fylgni á milli áfengistengdra dauðsfalla og inngöngu Svía í ESB. Fyrir inngönguna hafði sænska ríkið algjöra einokun á áfengisverslun í landinu og hefur enn. Nú mega Svíar hinsvegar taka með sér nánast ótakmarkað magn af vínanda inn í landið frá hinum ESB-löndunum.

Fleiri Svíar deyja áfengistengdum dauðdaga eftir inngöngu í ESB

Þvílíkur grís að vera:

Heppinn að vera:

• Íslendingur
• Einbirni 
• Edrú
• Fengið að velja þessar elskur sjálfur
• Að eiga konu sem er komin með brjóst

Brúðguminn hefur beðist afsökunar á framferði sínu, en hann hefur grátið yfir því að þetta muni spyrjast út...

Skítt með að barnið giftist öðrum... verst bara ef þetta fréttist

Ölvuðum brúðguma sagt að hypja sig; bróðir hans kvæntist í staðinn

"Meint" vitni?

Hér er trúlega verið að auglýsa eftir "meintum"vitnum að árekstri... en reyndar verða menn að giska dálítð á merkingu textans...

Uferðaróhapp í varð Ártúnsbrekku í Reykjavík, fimmtudaginn 26. apríl klukkan 19, þegar Subaru Impreza fólksbifreið og Mercedes Benz, fólksbifreiðar og lenti önnur bifreiðin m.a. á vegriði sem þarna er. Var báðum bifreiðunum ekið í vesturátt.

Lýst eftir vitnum að umferðaróhappi

Hvað varð um frjálsa álagningu?

Neytendasamtökin ítreka kröfu sína til þeirra, sem reka söluturna sem ekki hafa lækkað verð í samræmi við lækkun á virðisaukaskatti og vörugjaldi, að gera það án tafar. Að öðrum kosti hvetji Neytendasamtökin skattayfirvöld að skoða skattskil þessara verslana og ekki verði hjá því komist að íhuga hvar pottur sé brotinn þegar svo stór hluti sjoppueigenda telji þetta mikla lækkun á virðisaukaskatti ekki koma rekstri sínum við.

Hvernig er hægt að krefjast þess af Neytendasamtökunum að menn lækki vöru ef þeir ekki kæra sig um það? Ég hélt að það væri frjáls álgning og þaraf leiðandi réðu þessir söluðilar því einfaldlega hvort þeir lækkuðu eða ekki. Skil ekki þetta hótunardæmi... Hverju skyldi nú skatturinn koma til leiðar... að Jóhannes fái vitneskju um það að ein og ein sjoppa hafai ekki lækkað og hvað þá?

Á að hóta íkveikju næst?

Hvetja skattayfirvöld til að skoða skattskil söluturna

Sælureiturinn Legoland

Sorglegt slys í annars sannkölluðum sælureit.

Einn af allra skemmtilegustu dögum sem ég hef átt, sem fullorðinn, var dagurinn sem við hjónin fórum með, þá 9 ára, strákinn okkar(og reyndar strákana okkar báða) i Lególand. Þarna áttum við yndislegan dag þar sem maður gekk í barndóm og naut lífsins. Sá stutti varð að vísu ógurlega hræddur, einmitt í rússibananum, þó allt gengi þar samt að óskum.

Eftir að hafa komið hugrekkinu aftur á sínn stað,  nánast grétum við úr hlátri af myndunum sem teknar voru af honum. Auðvitað var ekki fallegt að hlægja að hræðslu hans en svipurinn á honum var bara svo rosalegur, en samt svo krúttlegur, að annað var ekki hægt. Hann var reyndar óskaplega ánægður með að hafa þorað... enda hælt á hvert reipi fyrir kjarkinn.

Foreldrarnir báru hinsvegar við plássleysi, enda undirritaður minnugur eigin ferðar í rússibana  í Tívolí. En til allrar lukku voru engar myndir teknar þar.

Lést í rússibanaslysi í Legolandi

Hvernig hyggjast femínistar taka á þessu?

Eftir að hafa verið þáttakandi í þessu bloggsamfélagi hér á mbl í nokkurn tíma er ég orðin mun meðvitaðri um femínisma. Hélt lengst af að femínistar væru bara nokkrar konur sem hefðu ekki erindi sem erfiði, en er í það minnnsta orðinn fullviss um að fjöldinn var rangur.

Hinsvegar finnst mér svo sem sumt stundum öfgaflullt í fari þeirra sumra enda alinn upp í algjörri verkaskiptingu karla og kvenna á heimli afa míns og ömmu. Amma var þeirrar gerðar að henni fannst það hálfgerð móðgun ef boðist var til þess að aðstoða hana við heimilisstörfin. Afi vann svo úti og skaffaði. Þó varð það raunin að eftir að afi hætti að vinna "fékk" hann að hjálpa til og þau t.d sáu þá um þrif og skúruðu saman og annað slíkt. Þetta voru ánægð og elskuleg hjón sem aldrei sögðu styggðaryrði hvort við annað og laus við alla rembu.

Í dag væri óttast ég að afi minn hefði verið kallaður karlremba. En slíkt var ekki til í honum.

En ok ...er farinn að tala um eitthvað allt annað en til stóð... Ég semsagt stend mig að því að vera farinn að horfa á auglýsingar, plaköt og annað útfrá þvi hvort um sé að ræða kvenfyrirlitningu eða ekki. Tók eftir þessu þegar N1 auglýsingin kom um kallinn sem má ekki fara í golf fyrr en hann er búin að grilla og síðan í dag þegar ég las um væntanlega plötu með Mínus, en þar er coverið frekar ósmekklegt að mínu viti. Bæði gagnvart konum og ekki síður feitu fólki.

Nú er ég ekki kona... en feitur er ég. Slapp að vísu við það er feitt fólk kvartar mest yfir svo sem einelti í skóla, mestan part við stríðni, átt góða vini og félaga, aldrei orðið þunglyndur, aldrei átt vandamál með hitt kynið og eflaust verið mjög heppinn. En ég les margt viðtalið við feitt fólk(gjarna fólk sem hefur náð árangri við að grennast) og sé þar að ég hef sjálfsagt frekar verið undantekning frekar en regla. 

Ég reikna með að Feministar hefji nú málsvörn fyrir konurnar vegna þessa plötucovers og óskandi væri að slík málsvörn færi einnig fram fyrir alla þá feitu sem eiga um sárt að binda og hafa ekki marga málsvara í dag. Svona cover er ekki til neins nema að nudda salt í þeirra sár og sérstaklega kvenna.

Kannski "viktuðu" þessi orð mín meira ef ég sjálfur væri grannur, en 150 kílóin verða að duga í þetta skiptið.

Sjálfseyðingarhvöt Framsóknar

Ja ef það er ekki skítalyklt af þessu máli þá er ég Twiggy

 

Kannski er komin hér skýringin á ólyktinni í Bergen

Óútskírð ólykt í Bergen

Nefndarmenn hafi tekið fram að þeim hafi verið ókunnugt um tengsl Jónínu og umsækjandans

Er skárra að vera í Íran en í Buckingham?

... en svo hafa bretarnir kannski bara komið sögunni, um tilvonandi rán prinsins í Írak, á kreik ... svona til að geta sleppt því að senda hann... enda hlýtur að vera miklu skárra fyrir hirðingjana að lesa slúðrið um kappann í blöðunum en... 

Ýkjur að Harry Bretaprins hafi hótað að yfirgefa herinn