Takk fyrir mig, mótmælendur góðir

Ég vil þakka þeim fjölmörgu sem standa í mótmælum vegna ástandsins hérlendis. Ég dáist að fólki sem lætur ekki nægja að tuða í sófanum og fer á staðinn og stendur vaktina. Ég þarf ekkert endilega að vera sammála öllu því sem gerist en það hlýtur öllu fólki að vera orðið ljóst að án þessara mótmæla væru minna en engar líkur á því að umboðslaus stjórnvöld yfirgæfu samkvæmið.

Hversu ódýrar innréttingar þarf fólk að hafa til þess að geta setið... og/eða haldið verndarhendi yfir gersamlega getulausum embættismönnum.  Og/eða bara sofið?

Það kemur tvennt til. Annað hvort fær þetta hyski útborgað í svefntöflum eða að það er samviskulaust með öllu.

Athugasemdir

[Jónína Dúadóttir, 21.1.2009 kl. 17:13]