Er þetta nú ekki orðum aukið...

Þetta með hálkuna á Hellisheiðinni... ók hana um miðnættið og það var ekki einn hálkubeltt að finna á henni né reyndar nálægt henni... enda heiðin alauð, asahláka og ausandi rigning?

Það skyldi þó ekki vera að svona fréttir séu ástæða þess að fólk t.d trúir ekki lokunarskiltum og öðrum aðvörunum og það þegar síst skyldi.  

Hálka á Hellisheiði

Athugasemdir

[(IP-tala skráð) 24.12.2008 kl. 02:35]

Jú það er sko nákvæmlega ástæðan.  Þetta er að gerast alltof oft.

Ég hringdi á undan mér t.d einu sinni áður en ég ók á norðurlkandið seinni parts vetrar, sagðist vera á gömlum Toyota Crown, mér  sagt að það þýddi ekki að reyna að fara, allveg kolófært....... ég er enn að leita að þessum sköflum sem áttu að valda þessari ófærð.

Ég er búin að lenda í þessu jafn oft og ég tékka upplýsingarnar vegna færðar. Veit ekki af hverju ég tékka samt alltaf áður en haldið er á stað   því ég tek ekki nokkurt mark á því. Ég verð held ég að leggjast í sálgreiningu

[Þorsteinn Gunnarsson, 24.12.2008 kl. 03:42]

Já ég man eftir að hafa verið að koma úr bænum og  var að keyra Sandskeiðið og það var talsverður skafrenningur en ekkert að færi. Lögregluþjónn var að tala við einhvern bílstjóra þegar ég ók framhjá, og taldi ég að um einhversskonar tékk hefði verið að ræða.

Komum heim Selfoss rétt um það leyti sem fréttirnar voru að hefjast í sjónvarpinu og ég sá í fyrstu frétt að einhver fréttamaðurinn  stóð og norpaði fyrir utan Litlu Kaffistofuna og var að lýsa því og það fjálglega... hversu hrikalega ófær heiðin væri og þarafleiðandi harðlokuð öllum bílum.

Við vorum á gömlum Oldsmobile, á sumardekkjum, og það var ekki einu sinni föl á heiðinni. Það var hinsvegar lítið skyggni vegna láarennings uppí miðja skíðaskálabrekku en síðan ekki söguna meir.

Svo ég spyr... er nema von að fólk treysti ekki svona upplýsingum.