1984 hvað....

Hvernig endar þessi eftirlitshyggja öll.  Þessar upplýsingar yrðu örugglega enn ein gullnáman til handa tryggingarfélögunum sem gætu sloppið við að greiða bætur vegna þess að einhver ók á 51 km hraða þar sem 50 km/klst er hámarkshraði og svo framvegis...

Ég held að það verði að fara að láta aðeins af þessari öryggismyndvéla-, skanna-, kennitölu- og tölvupólítík. Fyrir það fyrsta kostar þetta of fjár en leysir aldrei mannshöndina af hólmi. Og nú þegar er ástandi orðið þannig... að ég rakst á gangandi lögreglumann á Hringbrautinni um daginn og það var bókstaflega nostalgísk upplifun, svo sjaldgæf er þessi sjón orðin.

Held að væri nær að fjölga lögreglumönnum, og farga nokkrum myndavéla- og tölvudruslum. Því það er nú einu sinni þannig að í mörgum tilfellum skapa þessar græjur dýrari vandamál en þær leysa.

Allir bílar undir gervihnattaeftirliti

Athugasemdir

[Nöldrarinn (IP-tala skráð) 14.11.2007 kl. 13:05]

Tek undir með þér. Það er eins og þessu eftirlitsgeggjaða embættismannakerfi sé ekki nóg að fylgjast með manni með því að tracka símann manns og greiðslukortanotkun ásamt með myndavélunum, heldur á að setja GPS-tæki í hvern mann svo það sé hægt að sjá á skjá í Skógarhlíðinni hvar hver einasti íslendingur er niður kominn og hvað hann er að gera. Næst verður settur gjaldmælir á hjónarúmin................

[Þorsteinn Gunnarsson, 14.11.2007 kl. 13:43]

Já þetta er óhugguleg þróun, sem því miður á aðeins eftir að versna.

[Jón Þór Ólafsson, 14.11.2007 kl. 15:24]

Svona eru eftirlits kerfin innleidd hægt og rólega, og alltaf réttlætt af öryggisástæðum.

Það er hægt að selja fólki öryggið dýru verði. Fyrir þau ykkar sem ætlið að kaupa bendi ég á varúðarorð Benjamin Franklin, einn af stofnendum Bandaríkjanna: "Fólk sem skiptir frelsi sínu fyrir tímabundið öryggi á hvorugt skilið og mun glata hvoru tveggja." 

Hvað er næst? Kannski verða sett staðsetningartæki í okkur. Þau eru þegar til og hafa verið samþykktir að Matvæla- og lyfjaeftirliti Bandaríkjanna. Sjá hér

Er þetta upphafi af endi einkalífsins?