HA friðað... eru bara öll ljós kveikt og enginn heima?

Mesta furða að H-100 slapp þarna um árið.... Það hefði þó verið góð heimild um diskómenninguna sálugu og bara almennt sukk.

Nei gamalt handónýtt hótel sem löngu er farið úr sinni upprunalegu mynd það skal friða. Eina vitræna, úr því sem komið er, væri þá að nota Jóns "Blinda" aðferðina á þetta og rutta þessu af yfirborði jarðar og byggja þá annað hús í upprunalegu myndinni... ef þá einhver yfirleitt veit hvernig þessi kumbaldi leit út í byrjun. 

Mér kæmi ekki á óvart þó þeir Norðanmenn friðuðu Borgarsöluna fljótlega. Þeir misstu jú af Blaðavagninum sáluga.

Ljósm: Pálmi í Blaðavagninum - Höf: Sverrir Pálsson - "Fengin að láni" hjá Palla Fíra

Þrjú hús friðuð á Akureyri

Athugasemdir

[Jónína Dúadóttir, 13.11.2007 kl. 12:39]

Sammála Jóns Blinda aðferðinni, ég mundi vilja sjá þá byggja hús í gamla stílnum þarna, ekki þessa endalausu steypukumbalda. Það er líka svo hætt við því að uppbyggingin yrði miklu dýrari en nýtt hús.

[Þórunn Óttarsdóttir, 13.11.2007 kl. 13:19]

já og svo má líka friða andapollinn  og Dynheima æ,úpps þeir eru víst ekki til lengur a.m.k. ekki í sinni upprunalegu mynd

[Anna Ólafsdóttir (anno) (IP-tala skráð) 13.11.2007 kl. 13:34]

Já, og friða svo mig og allt mitt slegt  - svona sem mikilvæga heimild um dæmigert aðkomufólk sem alltaf er að rífa kjaft hérna fyrir norðan - tíhíhíhíhí

[Þórunn Óttarsdóttir, 13.11.2007 kl. 13:42]

já og svo okkur Steina, sem dæmi um gmla brottflutta

[Linda María Þorsteinsdóttir (IP-tala skráð) 13.11.2007 kl. 21:24]

Já vá maður, hvers átti M.H, Lyngdal að gjalda:D

[Guðmundur Jóhannsson, 14.11.2007 kl. 04:28]

Hún mamma sagði mér að á stíðsárunum hafi húsið verið hjallur, hvað er það í dag.  Núna snýr hún sér við í gröfinni blessuð.   Hvaða bull er þetta í ráðherranum, hvaða kaffihúsa spjátrungur hefur talað Þorgerði inná þessa endalausu vitleysu.   Það verður gaman að sjá Fjármálaráðherra setja endurbyggingu á H 98 á næstu fjárlög.  Hvað munar Jón í Bændagerði um nokkur hundruð milljónir.  Ja maður spyr sig.

[Páll Jóhannesson, 14.11.2007 kl. 15:30]

Sælir félagar! já þetta er allt hið undarlegsta mál. Steini minn myndin af tengdapabba mínum sáluga er góð heimild um liðna tíð... en ekki þarf að friða allt.

[Þorsteinn Gunnarsson, 14.11.2007 kl. 17:43]

@ Palli - Þessi friðunar della er löngu byrjuð og t.d er  Lækjargöta 6  eitt al óþarfasta húsið á Akureyri og í engu merkilegt nema fyrir þær sakir að það gerir gatnamótin í gamla gilinu að einum þeim hættulegustu á landinu, húsið forljótt ógeð burt séð frá því hvort einhver ákveðin vegghleðsla sem var í tísku í den er fyrir hendi eður ei. Húsriðunarnefndin hefði þá bara geta fengið veggpart og haft hjá sér ferkar en að halda uppá þetta ónýti, sem að vísu var nánast brunnið til kaldra kola en hafði svo sem að litlu leyti versnað við brunann. Tók einhverntímann óséða íbúð í þessu húsi í bílaviðskiptum og hef sjaldan séð annað eins...

Já Pálmi heitinn var flottur og einn af þessum sem settu svip sinn á miðbæjarlífið þegar við vorum að alast upp. Og glaður vildi ég skipta á gamla Ráðhústorginu með blaðavagninum, græna balanum og grenitréinu fyrir þetta helluógeð sem þetta er í dag. Djöfull erum við annars að verða gamlir maður

Kv. í Heiðardalinn

[Páll Jóhannesson, 17.11.2007 kl. 12:32]

,,gamlir?" það sést nú ekki á okkur, aldurinn sést á börnum okkar og  barna börnunum  ekki okkur