Eins og bleyja á snúru

Jóhanna skrifaði meðal annars í pistli á heimasíðu sinni í júní í fyrra að linnulaus áróður bankanna gegn Íbúðarlánasjóði væri að bera árangur og það væri með ólíkindum að ríkisstjórnin telji það mikilvægt til að slá á verðbólguna að lækka lánshlutfall úr 90% í 80% og lækka hámarkslánin um 1 milljón. Bankarnir væru þeir einu sem græddu á þessari aðgerð,

„enda trúi ég því að bankastjórar og eigendur bankanna hafi opnað kampavínsflösku og tekið bakföll af hlátri yfir því hvernig þeir eru búnir að plata stjórnvöld og hafa að fíflum."

Síðar í pistlinum skrifaði Jóhanna:

„Þessi aðgerð er því illa ígrunduð og mun ekki hafa tilætluð áhrif til að slá á verðbólguna, en aftur á móti bitna harðast á þeim sem síst skyldi. Sú spurning er æpandi hvers vegna ríkisstjórnin og Seðlabanki beina ekki spjótum sínum í meira mæli að bönkunum í stað þess að leggja Íbúðalánasjóð sífellt í einelti."

Þetta rímar ansi vel við blogg mitt frá í gær: FULL SEINT Í RASSINNN GRIPIР

Jóhanna gagnrýndi lækkun lánshlutfalls fyrir ári

Athugasemdir

[Ásdís Sigurðardóttir, 4.7.2007 kl. 00:36]

Við bara komin hlið við hlið.  Hvað heldurðu að Lalli segi við þessu. En mikið rosalega er gullregnið falleg hjá þér. Ég á mynd af því.

[Anna Ólafsdóttir (anno) (IP-tala skráð) 4.7.2007 kl. 00:38]

Þetta er bara byrjunin Þorsteinn - það verða fleiri aðgerðir sem ekki ríma við fyrri orð - EN - þeim til varnar sem fer í stjórn eftir langa stjórnarandstöðu, sama hvað nafni sá maður eða sú kona heitir - þú sérð ekki öll spilin fyrr en þú ert kominn þarna megin við borðið.

Það er samt nauðsynlegt að veita þessum herrum og frúm aðhald - sammála þessari áminningu í því ljósi - annars alltaf gaman að lesa pistlana þína, stuttir, snarpir, beittir

[Helga Auðunsdóttir, 4.7.2007 kl. 00:49]

Já Ásdís, hann er eins og hamhleypa þessa dagana ég veit aldrei hvar ég hef hann í pólitíkinni. En þetta er bara Steini, en hann er enn að bölva sorphirðunni..

[Þorsteinn Gunnarsson, 4.7.2007 kl. 01:01]

@ Ásdís - Segðu... Er reyndar sammála Jóku um efnið en úr því sem komið var er þetta tóm della sem engu skilar nema bönkunum. - Held  að Lalli hafi miklu meiri áhyggjur bágu gengi Víkinganna í kvöld en það að við séum að nudda saman öxlum - Takk fyrir complimentið. Jóna var einmitt að segja okkur að þú ættir eina og eina gullregnsmyndina.

@ Anna -  Ja annað okkar Jóhönnu sér auðvitað ekki öll spilin(lesist ég) en ég bara trúi því ekki að þessi aðgerð geri gagn... og er hræddur um að hún komi verst niður á þeim sem síst skyldi en það er svo sem ekkert nýtt. - Takk fyrir hólið.

[Josafat (IP-tala skráð) 4.7.2007 kl. 08:53]

Annars heitir það bleia, en ekki bleyja!

[Þorsteinn Gunnarsson, 4.7.2007 kl. 12:57]

@ Josafat - Takk fyrir ábendinguna en mér líst betur á bleyjurnar og held mig við það. Annars athugandi að ef ég renni púkanum yfir þetta svar kemur hann með eina athugasemd og það er orðið Josafat