Sé ekki að þessi dómurinn haldi

Þrátt fyrir að ég hafi fulla samúð með gamla manninum og finnist 900.000 hlálegt verð fyrir bátinn með sóknardögunum er mér ómögulegt að skilja þessa niðurstöðu ekki síst í ljósi þess sem fram kemur að "Dómurinn taldi ekki efni til að leggja mat á það sérstaklega hvort kaupandinn hafi beitt svikum við samningsgerðina."

Það er undarleg danska að bera því við að ekki hafi gefist tími til að ráðfæra sig í viðskiptum. Seljandi hlýtur alltaf að hafa val um það hvort hann skrifar undir kaupsaming/afsal eða ekki, nema um beitingu valds sé að ræða. Og samkvæmt fréttinni er ekkert sem bendir til slíks.

En vonandi verður niðurstaðan bara sanngjörn.

Dæmdur til að borga fyrir veiðiheimildir sem fylgdu báti