Að deyja dauðdaga?

Þetta hlýtur að vera vatn á myllu allavega Sjálfstæðis og Vinstri grænna - og reyndar Frjálslyndra líka sem vilja passa landamærin okkar svo vel.

Ungir sjálfstæðismenn munu hinsvegar örugglega "leiðrétta" Svíana fljótt og vel.. enda vita þeir betur... staðfastir í því að aflétta okri ríkisins og koma boozinu í hverja mjólkurbúð.

Rannsóknin sýnir fylgni á milli áfengistengdra dauðsfalla og inngöngu Svía í ESB. Fyrir inngönguna hafði sænska ríkið algjöra einokun á áfengisverslun í landinu og hefur enn. Nú mega Svíar hinsvegar taka með sér nánast ótakmarkað magn af vínanda inn í landið frá hinum ESB-löndunum.

Fleiri Svíar deyja áfengistengdum dauðdaga eftir inngöngu í ESB

Athugasemdir

[Þorleifur Ágústsson, 30.4.2007 kl. 13:42]

Já og sumir deyja úr lífshættu. Svíar tala reyndar um að menn geti verið "jätte liten" sem útleggst á íslensku "risa lítill". Ég vildi nú reyndar óska þess að íslenskar fyllibyttur myndu hafa "vit" á því að drepast brennivínsdauða frekar en að þvælast um bæinn draugfullar - fólki til ama og leiðinda. Að vísu þekkjum við það ekki Steini - vorum alltaf manna skemmtilegastir í glasi!

[Þorsteinn Gunnarsson, 30.4.2007 kl. 13:49]

Já segðu Tolli... en eins og aðrir snillingar ...eilítið misskildir á köflum

[Geiri (IP-tala skráð) 30.4.2007 kl. 14:57]

Þó að sumir nýti frelsi sitt illa þá er það ekki réttlæting fyrir því að skerða frelsi allra, er orðinn þreyttur á því að tölfræði sé notuð til að afsaka frelsisskerðingar. Sendi ESB fulltrúa sem neyddu einstaklinga til þess að drekka gegn vilja sínum? Einstaklingurinn á auðvitað sjálfur að bera ábyrgð á eigin heilsu.

Þorsteinn ef þú hefur ekki sjálfsstjórn til þess að fara í mjólkurbúð án þess að kaupa áfengi þá bara aumingja þú... þitt vandamál! Margir vilja geta keypt mjólk og áfengi á sama staðnum, ekki réttlætanlegt að refsa þeim fyrir veikleika annarra.