Hvar eru femínistarnir eiginlega?

"Tilkynnt var um reyk sem barst frá íbúð fullorðinnar konu í Hlíðahverfi í Reykjavík í gærkvöldi. Þegar að var komið var konan hvergi sjáanleg en hún mun hafa brugðið sér frá. Reykurinn kom frá potti á eldavél. Íbúðin var reykræst.

Skömmu síðar var tilkynnt um reyk sem barst frá íbúð í fjölbýlishúsi í Hafnarfirði. Þar hafði húsráðandi skroppið frá en á meðan brunnu við franskar kartöflur sem voru í eldföstu móti í ofni. Skemmdir voru litlar sem engar, að sögn lögreglunnar..."

Bara svona ef þið hefðuð ekkert að gera elskurnar

Frönsku kartöflurnar brunnu

Athugasemdir

[Ásdís Sigurðardóttir, 12.4.2007 kl. 18:38]

Blessaður. Þú komst akkúrat með rétta punktinn og í raun það sem málið snýst að miklu leiti um. Ungir öryrkjar, fólkið sem hefur aldrei haft tækifæri til að koma undir sig fótunum, það og svo eldra fólk sem hefur ekki lífeyrissjóði, það eru þeir sem líða mest. Ég gæti auðvitað eytt meiri peningum, keypt meira handa börnunum 7 eða barnabörnum, en af því ég (við) erum af þessari kynslóð sem við erum þá erum við ekki miklu vön, því aldrei vorum við hátekjufólk. Ég skrifa auðvitað út frá minni reynslu en hef samt fulla samúð með erfiðleikum annarra og nú sýnist mér að mínir flokksmenn ætli sér að bæta hag okkar allra, ég vona það besta.

[Ásdís Sigurðardóttir, 12.4.2007 kl. 18:38]

Annars ætla ég ekki að hafa franskar í kvöld, kannski kakósúpu þori ekki annað en að standa yfir henni 

[Jenný Anna Baldursdóttir, 12.4.2007 kl. 22:04]

Vá er komið feministiskt slökkvulið? Æði treysti þeim til að slökkva elda.  Alla elda.  Enda feministi sjálf

[Þorsteinn Gunnarsson, 13.4.2007 kl. 01:09]

 Ja allavega er ég svo stressaður þegar ég er að elda að ég lít ekki af pottunum... ekki einu sinni eggjasuðu... enda karlmaður og get illa gert tvo hluti í einu. Hef aldrei skilið hvernig konan getur eldað veislu á sama tíma og hún er að horfa á sjónvarpið, sem að mínu viti krefst fullkominnar athygli(þ.e sjónvarpsglápið)