Dúx í kristnifræði?

Við hjónakornin skruppum í afmælisveislu í dag föstudaginn langa, sem er kannski í frásögur færandi nema hvað að á leiðinni tók þessi elska eftir því að flaggað er í hálfa stöng við hús eitt.

Full meðaumkvunar spyr hún þá: Hver skyldi nú hafa verið að deyja? 

Athugasemdir

[Jóna Á. Gísladóttir, 6.4.2007 kl. 19:52]

Brá mér af bæ fyrr í dag til að taka bensín og kaupa ís fyrir liðið. Rak augun í flaggstöng og fyrsta hugsunin var sú sama og hjá konunni þinni. Áttaði mig reyndar á sömu sekúndunni en fannst þetta frekar fyndið. Er bara nokkuð vel að mér í kristinfræðinni og ég man að þetta var uppáhaldsfagið mitt í gaggó (sem hét). Það er samt greinilegt að þó ég telji mig kristinnar trúar að Jesús Kristur var mér ekki efst í huga í dag. Heimurinn er skrýtinn og mannfólkið enn skrýtnara.