Þeir mega nú ekki gleyma bjór, Kristjaníu, rúmstokksmyndunum og hlandstybbunni í Tívolí

Dönsk stjórnvöld hafa í hyggju að verja 412 milljónum danskra króna, eða sem svarar 4,8 milljörðum íslenskra króna til að kynna sitt erlendis. Bendt Bendtsen viðskipta- og efnahagsráðherra segir mikilvægt að kynna fyrir heiminum að landsmenn hafi ýmislegt annað fram að færa en ævintýri, flesk og litlu hafmeyjuna.

Reyndar vísar myndin kannski jafn mikið til flesksins og bjórdrykkjunar en...   

Það er gott að vera í Danmörku... Ég held að ég hafi sjaldan skemmt mér betur en þegar við hjónin vörðum sólríkum degi með, þá 9 ára, syni okkar í Legolandi.  Gott að geta gengið í barndóm annað veifið og öllum nauðsynlegt. Við leigðum okkur sumarhús í nágrenni Kolding, þar sem eldri sonur okkar er í skóla, og burruðum síðan vítt og breytt um landið. Þetta var vorið 2005 og þurfti ég að fá leyfi fyrir guttann að fara fyrr úr skólanum svo við kæmumst í ferðina. En á sama tíma og við vorum að leika við hann í Kristjaníu voru bekkjarsystkini hans í skólaferðalagi hér heima.

Sá stutti mætti svo tímanlega til að taka við einkunnunum við útskriftina barmmerktur "Björgum Kristjaníu" í bak og fyrir.

 

 

Hafa fleira fram að færa en flesk og ævintýri