Ekki má gleyma aprílgabbinu í Silfri Egils

Það hefur vafalaust ekki farið fram hjá neinum að í dag er 1. apríl og þá nýta menn tækifærið til þess að láta fólk hlaupa apríl með misjöfnum árangri. Google kynnti t.a.m. á vefsíðu sinni í dag nýja tækni sem gerir fólki kleift að tengjast netinu ókeypis í gegnum klósettlagnirnar svo lengi sem þeir eiga tölvu með WiFi-tengi.

Mér finnst alveg ómögulegt að sleppa því að minnast á aprílgabbið í Silfri Egils, en eins og glöggir menn tóku eftir lét Silfur Egils í það skína að hægt væri að ota saman öllum þessum kvinnum þannig að hlustandi væri á. Ja ef kall ræfillinn hann Egill hefur ekki verið komin með höfuverk áður en þær þögnuðu þá veit ég ekki hvað...

Það ætti hinsvegar að vera með Margréti Pálu í hverju Silfri enda var hún eini þáttastjórnandinn meðan á þessu kvennarifrildi stóð. Fólk einfaldlega þagnar og hlustar þegar sú mæta mær opnar munninn... enda ekki vanþörf á.

Fálkaorða færi Margréti Pálu... enda vel að henni komin.

Aprílgöbb stór og smá

Athugasemdir

[Stefán Hallgrímsson, 2.4.2007 kl. 09:44]

Ég tel víst að Margrét hafi fengið fálkaorðuna þann 17 júní í fyrra.

[Margrét Einarsdóttir Long, 2.4.2007 kl. 10:09]

Tókstu virkilega ekki eftir því hvernig Egill hagaði sér sem stjórnandi eftir því hvort hann var með konurnar í viðtali eða ekki ?

Margrét Pála hefur ígildi karlmanns, hann hlustaði á hana og truflaði hana ekki. Hann var ekkert að stjórna , hann virðist elska kaos, hann Egill.