Hvaða hæstaréttardómara nauðgaði hann?

Orðalag frétta skiptir máli. Samkvæmt þessari frétt mætti helst skilja það á textanum, að brotið hefði átt sér stað í Hæstarétti á aðventunni árið 2005

Páll E. Winkel, yfirmaður stjórnsýslusviðs ríkislögreglustjóra, hefur staðfest í samtali við Fréttavef Morgunblaðsins að greiningardeild ríkislögreglustjóra hefur náð Davíð Garðarssyni sem verið hefur á flótta sl. rúmt ár, en Davíð gaf sig fram við greiningardeildina. Hann var dæmdur í tveggja og hálfs árs fangelsi fyrir nauðgun og fíkniefnabrot í Hæstarétti í desember 2005 en flúði land og hefur verið á flótta síðan.

Nú er það bara spurningin: En skyldi eitthvað vera laust á Hrauninu?

Gaf sig fram við lögreglu eftir að hafa verið rúmt ár á flótta

Athugasemdir

[Heiðar Sigurðsson, 31.3.2007 kl. 15:51]

Það er alveg rétt hjá þér að orðalag í fréttum skiptir máli og þetta er skondið dæmi um orðalag sem má misskilja.  En af því að þú ert nú að benda á orðalag þá verð ég að benda þér á klaufalegt orðalag hjá þér sjálfum: "Samkvæmt þessari frétt mætti helst skilja það á textanum..."

[Þorsteinn Gunnarsson, 31.3.2007 kl. 17:00]

 Enda hafa þeir svo sem ekkert verið að bjóða mér blaðamannsstarf á mogganum...

[Már Högnason (IP-tala skráð) 31.3.2007 kl. 17:53]

Lastaranum líkar ei neitt...